" အချစ်ရေး အချစ်ရာ "
အခန်း-(24)(ဇာတ်သိမ်း)
" မေမေ..."
" သြော်...သမီး..."
မေမေက မီးပူတိုက်ပြီးသားအဝတ်တွေကို ဗီရို
ထဲသို့ ထည့်နေတာမို့ ပိုပို မေမေ့ဘေးမှာ
ကျုံ့ကျုံ့လေးထိုင်နေလိုက်သည်။
" ဖေဖေရောဟင်..."
" သမီးအဖေက ဘယ်တုန်းကများ အိမ်ကပ်ဖူး
လို့လဲ...ခုလဲ ဟိုဘက်ရွာက အလှူဖိတ်တာ
သွားလေရဲ့...ကိုယ်နဲ့လဲ သိပ်ရင်းနှီးတာမဟုတ်
လို့ မသွားခိုင်းတာကို မရဘူးလေ...ဖိတ်စာကြီး
ရောက်နေတာ မျက်နှာပူစရာကြီးတဲ့...ဟိုက
ရွာနီးချုပ်စပ်မို့ သိမ်းကျုံးဖိတ်လိုက်တာကို မဆိုင်
တဲ့သူက မျက်နှာပူနေလေရဲ့..."
မေမေက တဗျစ်တောက်တောက်ပြောလာတာ
မို့ ပိုပိုလည်း ရယ်လိုက်မိ၏။
" သမီး ခုနကခေါ်တာ မေမေ့ကိုပြောစရာရှိလို့
လား..."
" ဟုတ်..."
" သြော်...ပြောလေ..."
မေမေက ဗီရိုကိုပိတ်လိုက်ကာ ပိုပို့ဘက်ကို
လှည့်ထိုင်လိုက်တော့ ပိုပို ခေါင်းငုံ့သွားမိ၏။
" ဟိုလေ..."
" အင်း..."
ခေါင်းတွင်တွင်ငုံ့ပြီး တစ်ဟိုဟိုဖြစ်နေတာမို့
မေမေက စူးစမ်းသလိုစိုက်ကြည့်နေ၏။
" ပြောလေ သမီး..."
" ဟို...အကိုလေးက လက်ထပ်ချင်တယ်တဲ့..."
ဒီစကားကိုပြောလိုက်ရသည့်ခဏ ပိုပို မေမေ့
ရှေ့မှာ ဘယ်လိုမျက်နှာထားရမှန်းမသိတော့..။
ခေါင်းကလဲ ပိုငုံ့ကျသွားကာ လက်တွေက
အကြောင်းမဲ့ကုတ်ခြစ်နေမိ၏။
ရင်တွေလဲ တဒိန်းဒိန်းခုန်လာကာ ဆယ်တန်း
အောင်စာရင်း စောင့်ကြည့်နေရတဲ့အတိုင်း..။
" သူက ပြောခိုင်းတယ်ပေါ့..."
" ဟုတ်..."
မေမေ့အသံက ကြည်ကြည်လင်လင်ပင် ထွက်
ပေါ်လာတာကြောင့် ပိုပို ခေါင်းလေးပါညိတ်ပြ
လိုက်မိ၏။
" ဒါဆို သမီးသဘော မပါဘူးပေါ့..."
" ဟင် ..."
မေမေ့စကားကြောင့် ပိုပို အံ့အားသင့်ကာ
မော့ကြည့်မိတော့ မေမေက ရယ်မြူးရိပ်စွက်
သော မျက်ဝန်းတို့ဖြင့် စိုက်ကြည့်နေ၏။
YOU ARE READING
''အချစ်ရေး..အချစ်ရာ''
Romance''လည်တယ်နော်..အချစ်ရေး အချစ်ရာမှာတော့ မင်းက ဆရာမကြီးပဲ..'' #သူရိန်နေမင်း ''အကိုလေး ဆိုးတယ်..ဒါပေမယ့် ပိုပိုကချစ်တယ်..ဘယ်တော့မှ မငြိုငြင်ပါဘူးလို့လဲ ဂတိပေးပါတယ်..ဆိုးတာက အကိုလေးတာဝန်ဆို ချစ်ဖို့က ပိုပို့တာဝန်ထားပါ..'' #သက်ဆက်ချစ်ပို It's not bl. norm...
