Unicode Version
ရှောင်ကျန့်သည် မိဘမဲ့ တစ်ကောင်ကြွက်ပင်ဖြစ်၏။ သူဟာ လွန်ခဲ့သောငါးနှစ်ခန့်က တက္ကသိုလ်နောက်ဆုံးနှစ်ဖြင့် ကျောင်းကို ဆက်မတက်တော့ပဲ အလုပ်ထွက်လုပ်နေခဲ့ခြင်းဖြစ်တယ်။ ကျောင်းစရိတ်အတွက် သူကိုယ်တိုင် တစ်ယောက်တည်း ရှာဖွေရသည်မှာ သိပ်တော့ မလွယ်ကူလှပါဘူးလေ။ ဒါကြောင့် ကျောင်းထွက်လိုက်ကာ ဝမ်းစာအတွက် အလုပ်ကိုသာ ထွက်လုပ်နေခဲ့လိုက်ခြင်းဖြစ်တယ်။ သို့သော်လည်း သူဝင်လုပ်တဲ့ အလုပ်တွေက အတည်တကျ သိပ်လည်းမရှိခဲ့ပါဘူး။
လီရှန်းနဲ့ သူနဲ့ကတော့ လွန်ခဲ့တဲ့ သုံးနှစ်က တွေ့ခဲ့ကြတယ်။ လီရှန်းကလည်း သူ့လိုပဲ ဘဝကို ရုန်းကန်နေရတဲ့သူတစ်ယောက်ဖြစ်တယ်။ ဒါပေမဲ့ လီရှန်းမှာတော့ မိခင်ရှိသေးတယ်။
လီရှန်းရဲ့မိခင်က ကျန်းမာရေး အလွန်ချို့တဲ့သောကြောင့် သူတို့ချစ်သူသက်တမ်း သုံးနှစ်ဖြစ်နေသော်လည်း အတူတူနေဖို့ကို အနည်းငယ်မျှ မစဥ်းစားမိခဲ့ကြဘူး။ ထို့အပြင် လီရှန်းဘက်ကလည်း သူ့ကို တစ်ခါမှလည်း အတူတူနေဖို့မပြောဖူးပေ။
သူနဲ့ လီရှန်းက ချစ်သူတွေဖြစ်ကြတာမှန်ပေမယ့် ယခုအချိန်ထိ အိပ်ယာကကိစ္စတွေ၊ ချစ်သူရည်းစားတွေ လုပ်နေကျ တစ်ယောက်နဲ့တစ်ယောက် နမ်းကြတာတွေကို သူတို့တွေ မလုပ်ဖူးကြသေးပါ။ အဲ့ဒီအတွက်ကြောင့် Valentine Day မှာ သူက လီရှန်းကို ပထမဦးဆုံး အနမ်းပေးမယ်လို့ ဆုံးဖြတ်ထားခဲ့ပေမယ့် တကယ်ပေးမိသွားတာက လီရှန်းမဟုတ်ခဲ့ဘဲ သူစိမ်းလူတစ်ယောက်ဖြစ်ခဲ့ရသည်မို့ သူ အံ့သြခဲ့ရသေးတယ်မဟုတ်လား။
.....
"မနေ့က သူနဲ့ထပ်တွေ့တော့ သူက ငါ့ကို တစ်ခုခုလိုက်ကျွေးဖို့ခေါ်တယ် အကို"
ရှောင်ကျန့်က သူနဲ့ ဝမ်ရိပေါ်ထပ်တွေ့ခဲ့ကြောင်းကို မဖုံးကွယ်ထားချင်ပါ။ ဖုံးကွယ်မှုကိုလည်း သူ မယဥ်ပါးဘူးလေ။ ထို့ကြောင့် လီရှန်းကို အမှန်အတိုင်း သူ ပြောပြနေခဲ့ခြင်းဖြစ်တယ်။
"ကျန့် ငြင်းလိုက်တယ် မဟုတ်လား"
"အကို ဘယ်လိုလုပ်သိတာလဲ"
YOU ARE READING
ချစ်ခွန်းဖွဲ့သီ ချစ်သူ့ဆီ (COMPLETED)
Fanfiction- BJYX Myanmar FanFiction 💚❤ - Not Zhanyi ⚠⚠⚠ - Wang Yibo_Seme - Xiao Zhan_Uke [Unicode and Zawgyi]