Unicode Version
ပုံမှန်ရက်တွေအတိုင်း ရှောင်ကျန့် အလုပ်သို့ ရောက်သည်နှင့် လိုအပ်သည်များကို ပြင်ဆင်ပြီး အရောင်းကားထွက်နိုင်ဖို့ ပြင်ဆင်တယ်။ ထိုအချိန်တွင်....
"ရှောင်ကျန့်....ကျွန်တော့် ရုံးခန်းကို ခဏလာခဲ့ပါလား၊ ကျွန်တော်ပြောစရာရှိလို့"
ရုံးခန်းထဲမှ လှမ်းခေါ်လာသော လုဝေကော အသံကြောင့် သူ လုပ်လက်စများကို ထားခဲ့ပြီး လုဝေကော ရုံးခန်းထဲသို့ ဝင်သွားလိုက်တယ်။
"ထိုင်....ရှောင်ကျန့်"
"ဟုတ်ကဲ့"
"မနေ့က Meeting မှာ ကျွန်တော်ရာထူးတိုးတယ်"
"Congratulation ပါ လုဝေကော"
"ဟုတ်ကဲ့....၊ အခု ကျွန်တော်က Admin အပိုင်းမှာပဲ လုပ်ရတော့မယ်၊ ဒီတော့ ကျွန်တော့် မန်နေဂျာ နေရာကို ရှောင်ကျန့်ကပဲ ဆက်လုပ်ပေးပါ"
မထင်မှတ်ထားစွာ ကြားလိုက်ရသည့် သတင်းကောင်းကြောင့် သူ့မှာ ပျော်ရမည်ကိုပင် မေ့နေတော့၏။
"Meeting မှာ MD က ရှောင်ကျန့်ကို ကျွန်တော့်ရဲ့နေရာ ပေးလိုက်ပါတဲ့၊ ဒီတော့....ဒီနေ့ကစပြီး ရှောင်ကျန့်က Marketing မန်နေဂျာ ဖြစ်သွားပါပြီ၊ ကြိုးစားပါ ရှောင်ကျန့်၊ ကျွန်တော်လည်း လိုအပ်တာ ကူညီပါ့မယ်၊ ကဲ....Congratulation"
လုဝေကောက ပြောပြောဆိုဆိုနဲ့ သူ့ထံသို့ လက်ကမ်းပေးလာတယ်။ ထို့ကြောင့် သူလည်း ပြန်ပြီး လက်ဆွဲနှုတ်ဆက်လိုက်တယ်။ သူ ထိုသတင်းကို လီရှန်းအား သိပ်ကို ပြောပြချင်တယ်။ လီရှန်းသာ သိရင် အရမ်းပျော်ရွှင်သွားမှာ။
"ရှောင်ကျန့်ရဲ့ ပစ္စည်းတွေကို ဒီရုံးခန်းထဲကို ရွှေ့ခဲ့လိုက်တော့နော်၊ ဒီအခန်းက ရှောင်ကျန့်ရဲ့ ရုံးခန်းဖြစ်သွားပြီ၊ ကျွန်တော်ကတော့ ဟိုဘက်ခန်းပေါ့"
"ကျေးဇူးတင်လိုက်တာ လုဝေကောရယ်"
"မဟုတ်တာဗျာ၊ ဒီရာထူးက ရှောင်ကျန့်နဲ့ ထိုက်တန်ပါတယ်"
မမျှော်လင့်ဘဲ အရင်နဲ့များစွာ ကွာခြားလှသော ရာထူးနေရာသို့ ရရှိသွားခဲ့တာမို့ သူ တကယ်ပင် ပျော်ရွှင်နေခဲ့ပါတော့တယ်။
YOU ARE READING
ချစ်ခွန်းဖွဲ့သီ ချစ်သူ့ဆီ (COMPLETED)
Fanfiction- BJYX Myanmar FanFiction 💚❤ - Not Zhanyi ⚠⚠⚠ - Wang Yibo_Seme - Xiao Zhan_Uke [Unicode and Zawgyi]