ကော်ဖီတစ်ခွက်၊ကြံရည်တစ်ခွက် နှင့် အချစ်တစ်ပွဲ (Completed)

အပိုင်း (၃၇)

"အင်ဒူလင်...."

စကတ်အဝဲလေးနှင့် ကျောပြင်အထက်က ဆံနွယ်တို့သည် လေထဲတွင်ဝဲဖြာနေလေသည်။

"Do you miss me?"

ကားပေါ်က ဆင်းလာပြီးချက်ချင်းမှာပဲ ဂျင်းဘောင်းဘီအရှည်နှင့် အရောင်စုံပါဝင်သည့် အင်္ကျီသေးသေးလေးသည် အင်ဒူလင့်အလှကို ပိုပြီးပေါ်လွင်စေသည်။ ပြသနာတွေဖြစ်ခဲ့တာ တစ်လနီးပါးလောက်အကြာမှာ အင်ဒူလင်က မန်နေဂျာနှင့်တရားဝင်ကွာရှင်းခွင်ရခဲ့သည်။

LGBTအသိုင်းဝိုင်းကို စော်ကားတယ်ဆိုပြီး မန်နေဂျာအတွက် လူ့ဘောင်အသိုင်းအဝိုင်းမှာ အခြေချစရာမြေက မရှိသလောက်ဖြစ်သွားသည်။ မိန်းမတစ်ယောက်နဲ့ လက်ထပ်ခဲ့ပြီးမှ ယောကျာ်းပေါင်းစုံနှင့်ဖောက်ပြန်နေတဲ့ မန်နေဂျာ့လိုလူမျိုးကို LGBTအသိုင်းအဝိုင်းက ရှက်ဖွယ်အဖြစ်သတ်မှတ်လိုက်ကြသည်။

ထိုကိစ္စကြောင့်ပဲ မန်နေဂျာအလုပ်ကနေလည်း နှုတ်ထွက်သွားရသလို၊ ကွာရှင်းခွင့်ကို တရားရုံးမှာ လျှောက်ထားခဲ့တဲ့ အင်ဒူလင့်အတွက်လည်း တရားဝင်ကွာရှင်းပြတ်ဆဲခွင့်ရခဲ့လေသည်။

"Really miss you."

"Let's go , baby.
I'm calling you now."
(ဒါဆို ငါတို့သွားရအောင်။ ငါမင်းကို လာခေါ်တာ။)

"Okay..."

လှေကားပေါ်မှာ ရပ်ပြီးကြည့်နေတဲ့ ကောင်းတို့ သားအဖတွေကို လက်ပြပြီးနောက် အကွေးက အင်ဒူလင့်ကားပေါ်ပါသွားသည်။

ပြိုင်ကားကို စမတ်ကျကျမောင်းနေတဲ့ အင်ဒူလင်ရဲ့ ဘေးတိုက်အလှတရားကို ကြည့်ပြီး အကွေးမှာ ရင်နာလို့ မဆုံးနိုင်ဖြစ်နေရသည်။ ဒီလောက်လှပြီး၊ ဒီလောက်ထိ သဘောကောင်းတဲ့ အင်ဒူလင့်လို လူကို ပစ်ပယ်ပြီး ရှုပ်ပွေခဲ့တဲ့ မန်နေဂျာ့ကို အကွေးတော်တော်လေးစိတ်ပျက်သည်။

"So beauty am I ,baby?"
(ငါလှလို့ ကြည့်နေတာလား baby)

"Yess, so so beautiful. The one the most beautiful girl in the world."
(အရမ်း အရမ်းကို လှတယ်။ ကမ္ဘာ့အလှဆုံးတွေထဲက တစ်ယောက်ပဲ)

"You too , my baby."
(မင်းရောပဲ)

"Really?"
(တကယ်လား)

"Yes, really. You are so beautiful and cute."
(တကယ်ပြောတာ။ မင်းက လှပြီး ချစ်စရာကောင်းတယ်)