Unicode
------
တုန်ရီနေတဲ့လက်တွေနဲ့ ကားမောင်းနေတဲ့ Yoona က
ခန္ဓာကိုယ်တစ်ခုလုံးမှာလည်း ရေတွေရွှဲစိုလို့နေတယ် ။SMC ဆေးရုံကိုရောက်တော့ သူမက ကားကို
ဖြစ်သလိုရပ်လိုက်ပြီး ဆေးရုံထဲကိုပြေးဝင်လာခဲ့သည် ။အရူးတစ်ပိုင်းလိုဖြစ်နေတဲ့ သူမရဲ့ပုံစံကြောင့်
သူနာပြုဆရာမအချို့ကလည်း အပြေးရောက်လာကြတယ် ။" စိတ်အေးအေးထားပါ ဘာဖြစ်လာတာလဲမသိဘူး "
" နှလုံး အထူးကုပါရဂူ Dr. Im Yoon-ah မဟုတ်လား? "
မလှမ်းမကမ်းကနေ ထွက်ပေါ်လာတဲ့အသံကြောင့်
Yoona လှမ်းကြည့်လိုက်တော့ မြင်လိုက်ရတဲ့ထိုသူက
မိမိ ဒီဆေးရုံကို အခုလိုမျိုးအပြေးအလွှားရောက်လာခဲ့ရတဲ့
အကြောင်းပြချက် ။" Jessica ! "
" ဆရာမတို့ ... ကိုယ်လုပ်စရာရှိတာသွားလုပ်လို့ရပါတယ်
ဒါက ကျွန်မဆီကိုလာတဲ့ ကျွန်မရဲ့သူငယ်ချင်း Dr. Im ပါ "Jessica ပြောလိုက်တော့ သူနာပြုဆရာမတွေက
အနားကနေထွက်သွားကြတယ် ။ အဲ့နောက်မှာတော့
မိမိအနားကိုရောက်လာတဲ့သူငယ်ချင်းဖြစ်သူကို
Yoona လှည့်ကြည့်ရင်း ... ။" ငါ နင့်အကူအညီလိုအပ်နေတယ် Jessica ! "
" နင်ဘာဖြစ်လာတာလဲ Yoona?
ငါ့ကို စိတ်အေးအေးထားပြီးပြောစမ်းပါ "" Korea ကို ငါရောက်လာခဲ့ရတဲ့အဓိကအကြောင်းက
ငါ့ညီမလေးကိုလိုက်ရှာမလို့ဆိုတာ နင်သိတယ်မလား? "" နင့်ညီမလေးက Korea ကို ရောက်နေတာလား? "
" ငါ သူ့ကိုပြန်ရှာတွေ့ပြီ ဒါပေမဲ့ ... "
" ဒါပေမဲ့ ဘာဖြစ်လဲ? "
" သူ ဆေးအသုံးလွန်ထားတယ်
ငါ့ညီမဖြစ်နေတော့ ငါကုပေးလို့မဖြစ်ဘူးလေ
ဆေးရုံခေါ်လာရင်လည်း ဒီနိုင်ငံသားမဟုတ်ဘဲ
ဘယ်ဆေးရုံကမှ တာဝန်ယူပေးမှာမဟုတ်ဘူး
အဲ့ဒါကြောင့် ငါ့မှာ နင်ပဲရှိတော့တယ် Jessica !
ညီမလေးကို ငါ့အိမ်မှာ လိုက်ကုပေးပါနော် "
YOU ARE READING
Yellow Is The Warmest Colour💛(Ongoing)
Romanceဒေစီပန်းတွေက နေရောင်ခြည်ကိုအများဆုံးမှီခိုအားပြုပြီး ရှင်သန်ကြရတာကြောင့် Day's Eye လို့ လူတွေက တင်စားခေါ်ဝေါ်ကြတယ် ။ ဒီဇာတ်လမ်းလေးထဲမှာလည်း ဒေစီပန်းတွေကိုချစ်မြတ်နိုးတဲ့ကောင်မလေးတစ်ယောက်အတွက် တစ်စုံတစ်ယောက်က အနွေးထွေးဆုံးသောန...