Unicode
_________
" အကုန်ကြားသွားပြီလား ? "
ဒီမနက်ကအထိ မိမိကိုချစ်ပါတယ်ဆိုတဲ့သူမက
အချိန်ခဏလေးအတွင်းမှာပဲ သိသိသာသာကို
ပြောင်းလဲသွားခဲ့တယ် ။
Jennie Kim က Jennie Kim ပီသစဲပဲ ။
မုန်းတီးလိုက်သင့်တယ်လို့ထင်ရပေမဲ့
နှစ်တွေအကြာကြီးလွမ်းခဲ့ရတဲ့သူမကို
ထွေးပွေ့ထားချင်မိတဲ့စိတ်တွေကသာ
Lisa ရဲ့ရင်ထဲမှာကိန်းအောင်းနေခဲ့သည် ။
ဒါပေမဲ့ အရှေ့မှာရပ်နေတဲ့သူမရဲ့နှုတ်က
' အကုန်ကြားသွားပြီလား ' ဆိုတဲ့ သွေးအေးအေး ၊
မေးခွန်းစကားတစ်ခုသာထွက်လာတယ် ။
ဒီလိုအေးတိအေးစက်အခြေအနေမျိုးမှာ
သူမအပေါ်ကို Lisa ကြင်နာသင့်သေးရဲ့လား ?
" အကုန်ကြားသွားပြီလို့တော့ထင်တာပဲ "
" မင်းမှာ အခုကိစ္စနဲ့ပတ်သတ်ပြီးတော့
ကိုယ့်ကိုပြောစရာ ဒီအကြောင်းအရာတစ်ခုပဲ
ရှိတာလား Jennie Kim ? ဟမ် .. ? "
Jennie ရဲ့ ပုခုံးနှစ်ဖက်ကို Lisa တင်းကျပ်စွာ
ဆုပ်ကိုင်ရင်း ဒေါသတကြီးဖြင့်မေးလိုက်တော့
သူမက အစောကသူမဟုတ်တော့တဲ့အတိုင်း
ချက်ချင်းတိတ်ဆိတ်သွားခဲ့သည် ။
သူမပုခုံးပေါ်ကိုဆုပ်ကိုင်ထားတဲ့ Lisa ရဲ့
လက်တွေဟာလည်း တဖြေးဖြေးလျော့ရဲလာခဲ့တယ် ။
" ငါ့ကို မင်းရဲ့အနားကနေထွက်သွားပိုင်ခွင့်
မင်းမှာရှိပါတယ် ။ ဒါပေမဲ့ အခြားတစ်ယောက်ဆီကို
ငါ့ကိုပေးလိုက်ပိုင်ခွင့်တော့ မင်းမှာမရှိဘူးလေ ။
အဲ့လောက်ထိကို ငါကလွယ်နေခဲ့တာများလား ? "
" တောင်းပန်ပါတယ် "
လူတိုင်းမှာ အားသာချက်တစ်ခုစီရှိကြတယ်လို့
Lisa ကြားဖူးတယ် ။ ဒါပေမဲ့ Jennie Kim ကတော့
အားသာချက်တွေအတော်များလွန်းပါတယ် ။
ဘယ်လောက်ပဲရက်စက်တတ်လွန်းတဲ့သူဖြစ်ပါစေ
Lisa လုံးဝမမုန်းတီးနိုင်တဲ့သူဖြစ်နေတာရယ် .. ၊
ဘယ်လောက်ပဲသွေးအေးတဲ့စကားတွေပြောနေပါစေ
နွေးထွေးတဲ့စကားတစ်လုံးလောက်နဲ့တင် Lisa ရဲ့
ဒေါသတွေကို အရည်ပျော်ကျသွားအောင်လုပ်နိုင်တာရယ် .. ၊
သူမက Lisa ရဲ့အရာခပ်သိမ်းအားလုံးဖြစ်နေတာရယ် .. ၊
Lisa ရဲ့အချစ်တွေအားလုံးကိုရထားတဲ့သူဖြစ်နေတာရယ် .. ၊
စတဲ့ များစွာသောအားသာချက်တွေကို သူမ ပိုင်ဆိုင်ထားပါတယ် ။
YOU ARE READING
Yellow Is The Warmest Colour💛(Ongoing)
Romanceဒေစီပန်းတွေက နေရောင်ခြည်ကိုအများဆုံးမှီခိုအားပြုပြီး ရှင်သန်ကြရတာကြောင့် Day's Eye လို့ လူတွေက တင်စားခေါ်ဝေါ်ကြတယ် ။ ဒီဇာတ်လမ်းလေးထဲမှာလည်း ဒေစီပန်းတွေကိုချစ်မြတ်နိုးတဲ့ကောင်မလေးတစ်ယောက်အတွက် တစ်စုံတစ်ယောက်က အနွေးထွေးဆုံးသောန...
