[MUS2] Taming In The Wild|✔

CHAPTER 22

Chapter 22

Dareen Pov

"Do you like Raphael, Dareen?" nakangiwing tanong ni Chiara sa akin habang ang mata niya ay nasa TV. Nanonood kasi kami ngayon ng Barbie! Well, to tell you honestly. Hindi talaga ako mahilig manood ng ganitong klaseng cartoon. Mahilig ako manood ng mga anime series na may mga gwapo at magagandang katawan. Kagaya ng One Piece, Fairytail, Hunter by Hunter mga ganoon. Doon ako nanood. Kasi doon marami akong nagiging jowang anime character! Hindi sa Barbie na ang jowa lang ni Barbie ang gwapo!

From the corner of my eye, I know Chiara my little frenemy is waiting for my response. She looked so occupied by the television but I know her ears are on me. Kay gandang bubwit pero laging pinapainit ang ulo ko.

"Dareen?" she called me.

"Ano?" maarte kong tinaas ang kilay ko.

"Popcorn, please?"

Napamaang ako at di makapaniwalang binalingan na siya. Kanina inutusan niya akong magkuha ng juice kasi nauuhaw daw siya. Pagkatapos sa juice tubig na naman kasi medyo sumakit daw ang lalaamunan siya tapos niya'n! Gusto niya naman ng crackers kaya kumuha ako sa fridge. Tapos ito na naman. Talagang inaalila ako ng todo ng pamangkin na ito ni Raphael! Nanggigil na talaga ako ng todo sa batang ito! Ang sarap kutusin! Jesus!

"Hindi. Unhealthy na ang kinakain mo." pagtanggi ko naman sa kanya.

Ang Chiara na nakatuon sa TV ay bumaling sa akin. Just in case na hindi niyo alam. Nasa kandungan pa ni Chiara si Snow. Ang traydor kong pusa! Salawahan! Tumaas din ang kilay sa akin ni Chiara. Talagang nagsusubukan kami ni Chiara sa aming angking kamalditahan!

"Oh! I'm not eating it everyday, so it's not unhealthy. I only requested it today." Ngumuso siya.

Naaligaga ako nang ang malditang bata ay biglang namula ang mata at may namumuo nang luha doon. Sheemmmzz!!! Talagang sinusubukan ako nang bubwit na ito!

Pabagsak akong tumayo. "Sige. Kukuha na po. Kamahalan!"

Matapos kong isaad iyon ay maarteng dinampi ni Chiara ang maliit niyang kamay sa kanyang mata at pisngi. Saka hinalikan niya ang traydor kong pusa!

"Thanks." si Chiara at tumuon na ulit ang mata sa television na parang walang nangyari!

Napamura na lang ako sa isip ko.

Pumunta ako sa kusina at kumuha ng popcorn. Iyong Kettle Corn. Binuksan ko iyon saka binuhos sa isang malaking bowl. Dinalhan ko na rin ng gatas si Chiara. Kahit na enemy ko ang batang iyon. May malasakit pa naman ako doon kahit konti. Oo konti!

Shemz! Napalapit na ako sa bubwit na iyon. Kahit na para iyong maliit na Boss sa bahay na ito. Nagugustuhan ko naman ang presensya niya. Ang maingay niyang boses na kagaya sa akin. Ang maliit at matulis niyang boses ay nakakasanayan ko na dito sa bahay.

Minsan nga nai-imagine ko na para na kaming may anak ni Rap. Shocks!

Ang maliit na binti ni Chiara ay pinapaindak niya sa ere. Iyon ang naabutan ko nang makabalik ako sa sala. Binaba ko iyon sa center table. Tinabi ni Chiara ang si Snow sa kanyang tabi. Kinuha niya ang bowl ng popcorn at iyon ang nilagay niya sa kanyang kandungan.

"Dareen." ani ni Chiara na kinainis ko na naman. May iuutos na naman ito!

"Ano na naman?"

"You didn't answer my question."

Pinatong ko ang mga binti ko sa mahabang sofa at humilig sa sandalan.

"Anong tanong mo?" pagmamaang-maangan ko. Akala ko nakalimutan na niya iyong tanong niyang iyon.