Unicode ❄️❄️❄️❄️❄️❄️❄️❄️❄️❄️
" မင်းကအရမ်းချစ်ဖို့ကောင်းတယ်နော် သိလား "
ရင်တွေခုန်လွန်းနေသည့် Chaeyoung ဘာစကားမှပြန်မပြောပဲ Jisoo ကိုသာ စိုက်ကြည့်နေသည်။
" ဟိတ် တို့ပြောနေတာ မကြားဘူးလား "
" ကြား .... ကြားပါတယ် "
" ကဲပြောပါဦး မင်းမှာဘယ်လိုအခက်အခဲတွေ ရှိနေတာလဲ တို့ရော Lisa ရောဖြေရှင်းပေးနိုင်ပါ
တယ် "
" ကိုယ့်ဒုက္ခတွေကို တခြားသူဆီမပေးချင်ဘူး "
" ဒါက ဒုက္ခပေးတဲ့သဘောမျိုးမသက်ရောက်ပဲ .... တို့ကိုကူညီခွင့်ပေးတဲ့ သဘောသက်ရောက်တယ် Chaeyoung ရဲ့ "
" ပြောပြလိုက်ရင် Jisoo Unnie တို့ပါ ဒုက္ခရောက်သွားနိုင်တယ် "
" Lisa နဲ့တို့ကို ဘယ်သူမှအလွယ်တကူထိခိုက်အောင်မလုပ်နိုင်ဘူး "
ထိုစကားသည်ပြောပြီးသည်အထိ တိုင်အောင် Chaeyoung ဆီမှာ ဘာစကားမှထွက်မလာသေးချေ။ နှုတ်ခမ်းလေးတွေအသာပွင့်ဟလို့ Jisoo ကိုသာ ကြည့်နေဆဲ ...
"........ "
" မင်းစဉ်းစားပေါ့ ... အတင်းကြီး ဖိအားမပေးချင်ဘူး .. အမြန်နေကောင်းအောင်လည်းလုပ်ဦးနော် ထပ်ပြီးအခြေအနေမဆိုးစေနဲ့တော့ "
နွေးထွေးတဲ့စကားတွေနဲ့ နွေးထွေးတဲ့စကားသံတွေကြောင့် Chaeyoung ရင်ထဲသိသိသာသာနွေးထွေးသွားရသည်။ ကျောခိုင်းကာ ထွက်သွားတော့မည် လုပ်နေသည့် Jisoo ကို ထပ်ပြီးအနားမှာရှိနေစေချင်သေးသည်။ ကိုယ်တိုင်တောင်မသိလိုက်လေပဲ နှုတ်က ထပ်ပြီးနေပေးဖို့ တောင်းဆိုမိလိုက်သည်။
" ခဏလောက်အနားမှာနေပေးပါလား ..... "
အပြုံးလေးနဲ့ပြန်လှည့်ကြည့်လာတဲ့ Jisoo အပြုံးကို အရင်ကမြင်နေခဲ့ရသည့် သူတွေကိုမနာလိုလိုက်တာ ... ဘယ်လောက်ပဲ ခက်ခဲတဲ့ ဘဝကိုဖြတ်သန်းခဲ့ပါစေ ကိုယ်တိုင်ကလွဲရင် တခြားဘယ်သူ့အပေါ်မှာမှ မအားကိုး မယုံကြည်ခဲ့သည့် Chaeyoung အတွက်တော့ Jisoo ဟာ ပထမဆုံးသော ယုံကြည်ရာလေး ...
Kim Jisoo ဆိုတဲ့အမျိုးသမီးရဲ့ မျက်နှာက အေးခြမ်းလွန်းတဲ့အပြင် အသံပုံ ပုံစံနှုတ်ခမ်းလေးတေကလည်း လှရက်လွန်းသည်။ မျက်လုံးကိုကြည့်လိုက်မိရင်ပဲ သူဆီမှာ ညှို့ယူခံလိုက်ရသလို ခံစားချက်တွေကို Chaeyoung ကိုယ်တိုင်သိပေမယ့် အဆင့်အတန်းချင်းက မိုးနဲ့မြေလိုဖြစ်တာကြောင့် ဆက်မကျွံမိရန် ခံစားချက်တွေကိုတားဆီးလိုက်ရသည်။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
