Unicode
ဦးထက်ဝေသော်(L.B.B.S)
အထက်တန်းရှေ့နေ...
"ထိုင်ပါ ညီမ..."
"ဟုတ်ကဲ့"
ထက်ဝေသော် ကွာရှင်းရန်လာသည့်စုံတွဲကိုသေချာစိုက်ကြည့်လိုက်သည်။အမျိုးသမီးက ဘဝကိုစိတ်ကုန်နေသလိုဖြစ်နေပြီး အမျိုးသားကတော့ကျောက်တုံးကျောက်စိုင်လိုမာကြောကြောရုပ်ရည်ရှိသည်။
"ပိုင်ဆိုင်မှုက..."
"သူ့အကုန်ပေးလိုက်ပါ။ ကျွန်တော်က လက်နှစ်ဖက်ရှိရင် ထမင်းမငတ်ဘူး"
အမျိုးသမီးက ဘာမှမပြောပေမဲ့အမျိုးသားက ထိုမျှပြောကာစာချုပ်ယူပြီးထလေသည်။
"ရှင်ခဏနေဦး..."
မိန်းမကလက်ဆွဲထားတာကြောင့်ကြည့်လိုက်တော့လက်ပြန်ရုတ်သွားသည်။
"တကယ်ဆုံးဖြတ်ပြီးပြီလား။"
"အင်း... ငါ့အတွက် မင်းလုပ်ပေးသမျှထဲအကောင်းဆုံးမှတ်ပါ။ ငါနောက်တစ်ယောက်ရှာမှာမဟုတ်သလို မင်းအနားမှာလည်းနေမှာမဟုတ်တော့ဘူး။ ငါသွားပြီ မိုး..."
ထက်ဝေသော် ထိုလင်မယား Sorry ... ကွာရှင်းပြီးသားသူစိမ်းနှစ်ယောက်ကိုအကဲခတ်နေမိသည်။အရင်လူတွေနဲ့နည်းနည်းကွာတယ်။
"ရှင်သိလား။ ကျွန်မက တန်ဖိုးအကြီးဆုံးရတနာကိုလေးလံတဲ့ ကျောက်ခဲထင်ပြီးလွှတ်ချပစ်ခဲ့မိတယ်။"
အမျိုးသမီးကချက်ချင်းမထွက်သွားသေးဘဲသူ့အားစကားပြောနေ၍ နှစ်သိမ့်စကားမပြောတတ်တာမို့နားထောင်ပေးလိုက်သည်။
"ကျွန်မလောက်မိုက်မဲတဲ့သူရှိမှာမဟုတ်ဘူး"
အမျိုးသမီးက သူတို့ဇာတ်လမ်းကိုပြန်ပြောပြသည်။
"အိမ်ထောင်သက်၅နှစ်မှာသူ့ဆီကကျွန်မရဖူးတာ ဘာမှမရှိဘူးလို့ထင်မိတယ်။ ဒါကြောင့် ကျွန်မကွာရှင်းချင်ခဲ့တာ... တကယ်တမ်းကျ ကျွန်မကမသိခဲ့တာ သူပေးသမျှအရာရာကိုလေ... စည်းစိမ်ဥစ္စာမများတဲ့သာမန်ဝန်ထမ်းပေမဲ့ ကျွန်မအတွက်အိမ်ပိုင်ရအောင် ဝယ်ပေးခဲ့တာကို ကျွန်မ မမြင်ခဲ့ဘူး။ ကလေးမရတဲ့ဘဝမှာကျွန်မသိတာ အိမ်မှုကိစ္စလုပ်ရတာပင်ပန်းတာနဲ့ယောက္ခမတွေပြုစုရတာစိတ်ရှုပ်တာပဲ
သူဖောက်ပြန်ပါစေတောင် ဆုတောင်းမိတဲ့အထိ ကျွန် သူ့ကိုမချစ်ခဲ့ဘူး။ ကျွန်မက အတ္တသမားပဲနော် ကွာတော့ရှင်းချင်တယ် ကိုယ့်အပြစ်တော့အဖြစ်မခံနိုင်ဘူး နောက်ဆုံးမှာ သူ့ဆီက ရခဲ့တာ မမြင်ခဲ့ဘဲ မရသေးတာပဲမြင်မိတဲ့ကျွန်မကို သူစိတ်ကုန်သွားတာပဲ...
ဒါကြောင့်အကြံပေးပါရစေ ရှင်တစ်ယောက်ယောက်ကိုချစ်မိရင် သူ့ဆီက အရာရာမယူမိပါစေနဲ့...ကျွန်မလိုပေါ့...
ကျေးဇူးပါ ရှေ့နေကြီး ကျွန်မ ပြောသမျှနားထောင်ပေးလို့..."
YOU ARE READING
Being His Man OR Cupid Lady(Fujoshi)Completed💚
Teen Fictionအစ်ကို၄ယောက်ကိုလင်ပေးစားမည့် နှမငယ် အလန်းဇယားဖူဂျီမတ်မတ်ငယ်လေးတစ်ယောက်အကြောင်း ဗိုလ်ဗိုလ့်ဘဝမှာ မဖြစ်နိုင်ဘူးဆိုတာမရှိစေရဘူး ဗိုလ်ဗိုလ့်ကိုကြိုက်တဲ့သူဆို သေချာပြီ အဲ့လူမကြာခင်ကွေးပြီဘဲ... S1=Ukeတစ်ယောက်၏ဖခင် ကိုအရင်ဖတ်ရှုနိုင်ပါကြောင်း To...
