အပိုင်း (၉)
မနက်ဖြန်က ကျောင်းသင်္ကြန်နေ့ ဖြစ်၍ အစ်မတို့ကလည်း သူတို့နှစ်ယောက်ကို နောက်ကျမှ ပြန်ရန် အတင်းဆွဲသည်။ မေဂျာအတွက် မဏ္ဍပ်ဆောက်တာတွေ၊ ဘာတွေ ဝိုင်းကူပေးပါဟု အကူအညီတောင်းတော့လည်း လက်ခံပေးရသည်။ သို့ရာတွင် အားလုံးပြင်ဆင်လုပ်ကိုင်ပေးပြီးတော့ ညနေ၅နာရီ ကျော်သွားပြီ ဖြစ်၏။ ညီမိုးယံနှင့် ဒေါင်းသက်ညိုတို့၏ကိုယ်ပေါ်မှာလည်း ချွေးတွေနှင့်။ ဒါတောင် ညီမိုးယံက သူ့အင်္ကျီကို ချွတ်ပြီး အသက်ကို ချွေးသုတ်ပေးနေသည်။
" အမလေး...ရိန်းရဲ့ခန္ဓာကိုယ်က ကြည့်လို့ ကောင်းလိုက်တာ"
" ဗလကြီးတွေကို ငါတော့ သွားကိုင်ကြည့်ချင်တယ်"
" အဲ့ဒီခါကျ ဒေါင်းက နင့်သောက်ခွက်ကို စုတ်ပြတ်သတ်သွားအောင် ထိုးလိမ့်မယ်"
သဲလစု၏စကားကြောင့် ရွှေလဝင်းမှာ နင်သွားရှာပြီး ကိုယ့်မျက်နှာကိုယ် နှမြောစိတ်ဖြင့် ကိုင်ကြည့်လိုက်သည်။
" ညီ အင်္ကျီ ပြန်ဝတ်တော့၊ အင်္ကျီကျွတ်နဲ့၊ ကောင်မလေးတွေ ဝိုင်းကြည့်နေပြီ၊ မရှက်ဘူးလား"
" မရှက်ပါဘူး"
" ပြန်ဝတ်လို့၊ ကိုယ် မကြိုက်ဘူး၊ ကိုယ်က လွဲပြီး ညီ့ခန္ဓာကိုယ်ကို တခြားလူတွေ မမြင်စေချင်ဘူး၊ ပြန်ဝတ်"
" ပြီးရောဗျာ..."
ထို့နောက် ချက်ချင်း အင်္ကျီပြန်ဝတ်၍ အစ်မတို့ကို နှုတ်ဆက်ပြီး အဆောင်ကို ပြန်ခဲ့ကြသည်။ အဆောင်ပြန်ရောက်တော့ ရေအတူ ချိုးကြပြီး ထိုးကြိတ်ဆော့ကြပြန်သည်။ ဝုန်းဝုန်းဒိုင်းဒိုင်း အသံတွေကြောင့် ဘေးအခန်းက ကျောင်းသားတွေမှာလည်း အေးဆေးမနေရ။
" ဟျောင့်! သူတို့ ရန်ဖြစ်နေကြတာလား မသိဘူး၊ သွားဆွဲရအောင်"
" စပ်စပ်စုစုကွာ၊ အချစ်စမ်းနေတာ၊ သွားဆွဲရင် ငါတို့ကြားက အထိုးခံရလိမ့်မယ်"
သားကို လာတွေ့သည့်အဂ္ဂမင်းညိုမှာလည်း အခန်းဝ၌ ဒီအတိုင်းသာ ရပ်နေရသည်။
" Boss ရန်ဖြစ်နေကြတာလား မသိဘူး၊ ဝင်ထိန်းရအောင်"
" ထားလိုက်၊ သေတဲ့ကောင် ငါကိုယ်တိုင်မြှုပ်မယ်၊ ပြန်ရအောင်"
YOU ARE READING
CTD [Completed]
Fantasyမင်းနဲ့ဆိုရင် သေမင်းကိုတောင် နားရင်းအုပ်ရဲတယ်။ မင္းနဲ႔ဆိုရင္ ေသမင္းကိုေတာင္ နားရင္းအုပ္ရဲတယ္။ Book Cover by Lucy Xellies
![CTD [Completed]](https://img.wattpad.com/cover/291809255-64-k282089.jpg)