“မင်္ဂလာပါ…၊ ကိုယ်က မင်းတို့ကို ဆယ်တန်းစာမေးပွဲ ဖြေပြီးတဲ့ အချိန်အထိ ဂိုက်လုပ်ပေးမယ့် သူပါ”
သူ့ကို စိုက်ကြည့်နေသည့် မျက်ဝန်းနှစ်စုံကို သံမဏိ တစ်လှည့်စီ ကြည့်လိုက်ရင်း မိတ်ဆက်စကား ပြောလိုက်ပြီးနောက် ထိုမျက်ဝန်းများအတွင်းက ခံစားချက်တချို့ကို သူ လျင်မြန်စွာ ရှာဖွေဖော်ထုတ်ကြည့်လိုက်သည်။ ကလေးအရွယ်တွေမို့ပဲလား… သို့မဟုတ် သူတို့ကိုယ်တိုင်ကိုက ခံစားချက်တွေကို မထိန်းသိမ်းနိုင်၍ပဲလားတော့ မသိ။ ကလေးနှစ်ယောက်၏ ရင်ထဲက ခံစားချက်များသည် သူတို့၏ မျက်ဝန်းများတွင် အတိုင်းသား မြင်နေရ၏။ သံမဏိကို စိုက်ကြည့်နေခဲ့သည့် ဒဿန၏ မျက်ဝန်းများသည်တော့ နူးညံ့သော ခံစားချက်တို့ဖြင့် ရွှန်းလဲ့ရီဝေနေခဲ့ပြီး မင်းမာန၏ မျက်ဝန်းများမှာတော့ တစ်စုံတစ်ခုသော စိုးရိမ်ပူပန်မှုတို့ဖြင့် ညှိုးငယ်လျက် ရှိနေတော့ကို သံမဏိ အံ့အားသင့်စွာ တွေ့မြင်လိုက်ရ၏။
“ဟာ… ဟိုတစ်နေ့က ကော်ပီမန္တလာဆိုင်မှာ ဝင်တိုက်မိခဲ့တဲ့ အစ်ကို မဟုတ်လား”
ဒဿနက သူ့ကို မြင်လိုက်သည်နှင့် ချက်ချင်း မှတ်မိနေခဲ့ပြီး သူ့ကို လွမ်းဆွတ်တမ်းတနေခဲ့မှန်းလည်း ဒဿန၏ မျက်ဝန်းများတွင် သံမဏိ ပုံဖော်ကြည့်ပြီး၍ သိရှိပြီးဖြစ်ပါသည်။ သို့သော် သံမဏိကတော့ ဒဿနတို့ကို မမှတ်မိချင်ယောင်ဆောင်လိုက်သည်။
“အင်…၊ ဘယ်နေ့ကလဲ။ ကိုယ်… မမှတ်မိဘူးရော်”
“အာ…အစ်ကိုကလည်း၊ ကျွန်တော် ဆိုင်ထဲကို လောလောလောလောနဲ့ ဝင်လာတဲ့အချိန်၊ အစ်ကိုက လှည့်အထွက်နဲ့ ဝင်တိုက်တာလေ။ ကျွန်တော်တောင် အစ်ကို့ ပိုက်ဆံအိတ် ကောက်ပေးလိုက်သေးတယ်လေ။ ကျောင်းစိမ်းလေးတွေနဲ့လေ…”
ဒဿနက ဒီလောက် တိတိကျကျ ပြောနေမှတော့ သံမဏိ မသိချင်ယောင်ဆောင်နေဖို့ မတတ်သာတော့ပါ။
“ဟုတ်ပြီ…၊ ဟုတ်ပြီ။ ကိုယ် မှတ်မိပြီ။ ဒါနဲ့ ညီ့နာမည်က…”
တကယ်တော့ သူတို့တွေရဲ့ နာမည်တွေကို သံမဏိ လွန်ခဲ့သည့် လေးနှစ်ကျော် ကာလအတွင်းကတည်းက သိနှင့်ပြီး ဖြစ်ပါသည်။ သျှံဓန၏ သတင်းအချက်အလက်များကို သံမဏိ လိုက်လံစုံစမ်း နားစွင့်နေခဲ့တာပဲလေ။ ဒါပေမယ့်… သူတို့အရှေ့မှာတော့ သံမဏိ မသိသလို နေရမယ်လေ။
