"اصحوا ياجماعة الساعة داخله على ٦ اصحوا"
أ
خذ عز يهتف بتلك الكلمات ليقلق كل من فارس ومازن الغافيان معه بذات الغرفة.
"فى ايه ياض على الصبح" تذمر مازن وهو يفرك عنيه بنعاس
"الساعة داخله ع سته المغرب وانتو لسه نايمين" تذمر عز
"ما تدخل ياسطا واحنا هنقوم ندخل معاها ما تدخل ولا تتحرق سبنا ننام " تذمر فارس وهو يضع الوسادة أعلى رأسه ليمنع صوت عز إلا أن عز لم يبالي بتذمر الاثنين و تجاهلهم ليذهب الى غرفة ليلى ويسر أخذ يطرق الباب طرقات متناسقة ومتناغمة
"ايه ياعز هو فرح امك فيه ايه" تذمرت ليلى من الداخل
"لو مصحتوش هدخل معاكو خمس دقائق قوموا يلا"
ثم تحرك إلى التلفاز أختار قناة الاغانى ورفع صوتها إلى الآخر لينهض الآخرون بعد دقائق من يسبه ومنهم من لم يستيقظ بعد بل نهض فقط و منهم من اغلق الكهرباء بأكملها.
"ادينا صحينا تقدر تقولي استفدت ايه ! وايه الشنط دى ! " تساءل مازن بعد فترة من استيقاظ الجميع وهو ينظر الى عدة حقائب بيضاء
"انهارده رأس السنة ياجماعة لازم نحتفل"
نظره له فارس بغضب فهل قلق نومهم من أجل هذا "احتفال رأس السنة حرام احنا مش مسحيين "
"احنا بنحتفل بـبداية سنة جديدة مش بالعيد ميلاد المجيد " جادل عز
"الاثنين واحد وقالوا حرام " جادل فارس مرة اخرى
هتف الآخر بإحباط "خلاص احتفل معانا السنة دى ومتحتفلش تاني"
"خلاص ياجماعة مش حوار احنا كلنا مؤمنين بالله ورسوله واحنا بنحتفل يافارس بدخول سنة جديدة و مؤمنين أن سيدنا عيسي نبى الله وأنه ابن مريم عليهم السلام مشوفتناش جبنا شجره و بنعبدها مثلا " تدخل مازن فى الحوار عند شعوره بحزن عز
ليحك عز ذقنه وهو يبتسم وهو يتساءل "بس انا جبت شجره ! "
"لا بلاش شجر وبابا نويل والحاجات دى" تحدث فارس مرة اخرى
"طب الشجرة احطها فين ! " تساءل عز
نظر له بسخرية فارس وهو يردف بمكر "اقولك تحطها فين و متزعلش ! "
"فارس انت لو دخلت النار، فـانت هتدخل علشان قلة ادبك مش علشان صورتك جنب شجرة بس اشطا يعني بلاها ام الشجره " سخرت ليلى
"حطها ع اى جنب و اسقيها ياحبيبي يمكن تطرح بلح ولا حاجه " سخر مازن ثم أكمل "ها هنحتفل ازاى بقى ! "
اعتدل فى جلسته بحماس ليتربع على إحدى المقاعد وهو يشرح"بصوا أنا نزلت جبت فروع نور كتير و هعملكم الاكل بنفسى انهاردة و جبت حاجات كيكة وحلويات انتو تظبطوا الجناح وانا اعمل الاكل ونختار فيلم قمر نتفرج عليه وشوفوا لو عايزين حاجه تاني" شرح لهم عز مخطط اليوم ثم نظر لمازن ليحمحم وهو يتحدث بصوت خافت خجول
"صحيح انا خدت فلوس من الدرج"
YOU ARE READING
Fantastic Five🦋
Romanceرواية FANTASTIC Five PDF بقلم حياة عادل ... رحلة كوميدية شبابية فى شوارع باريس مع خمس اشخاص مطاردين من قبل رجل الأعمال المعروف سالم الدويري، بعدما قام أحدهم بخطف ابنته يسر الدويري، ليتفاجئ الجميع أن يسر ليست مجرد فتاة عادية؛ بل هي فتاة تحمل شيطان بد...
