صلى على سيدنا وحبيبنا محمد 💖
____
ترجل فارس من المطبخ بعد أن وضع كوب قهوته المنتهي، ليصطدم بجسد ليلى التى تسير غالقة عينيها
"ايه يا ليلي الغباء دا حد يمشي مغمض عينه؟!"
فتحت عينها بحنق وهى تتذمر "ايوه علشان احفظ البيت"
اختفت المسافة بين حاجبه بعدم فهم ليردف مستفهمًا " تحفظي البيت ليه؟ وبعدين تحفظيه وانتِ مغمضه انتِ غبية ياماما؟"
أطلقت تنهيدة باردة وهى تلوى فمها وتجيب بضجر "افرد اتعميت مش لازم ابقي حافظة المكان اللى عايشه فيه؟!!"
ارتفع حاجبه بتلقائية كذلك ارتفعت شفتاه بسخرية وهو يستفهم "لا دا بجد! انتِ ماشيه مغمضة عينك علشان لما تتعمي تعرفي تمشي فى البيت"
اومئت له، لينظر لها بشفقه قبل أن يردف "هحجز لك معاد عندى بعد يسر، مش لوحدها اللى مريضة فى البيت دا، دا بيت مجانين"
أنهى جملته وهو يذهب يضرب كف على كف بحيرة، لتلوح خلفه بعدم اهتمام وتسير كما كانت غالقه عينيها حتي اصطدمت بالاريكة لتسقط تتألم بشدة.
"يابنتي سيبك من الهبل دا و اقعدى احنا ما صدقنا جسمك اتحسن" صاح فارس من مقعدة
لتنهض بوهن وهى تذهب لترتمي جوارهم على الأريكة تدلك موضع سقوطها برفق وهى تتمتم "اه والله، بقوليلة دماغى فست شويه؟!"
نظرت عليها يسر نظرة متفحصة قبل أن تومئ "آه حمرة بس، احمدي ربنا أنها متفتحتش زي حاجب عز"
مرر يده على حاجبه المتخفي أسفل شاشة طبية بيضاء اللون، وهو يردف بحسرة "سيبك من غرزتين حاجبي مش حوار، أنا اللي مضيقني أني هعيد فترة الجبس من الأول تانى "
" يابني أنت أحمد ربنا أن كتفك لسه شغال اصلا، واحد مطلوب منه الراحة التامة نزل يتخانق عايز دراعك يعمل ايه؟" أردف مازن بسخرية
لتردف ليلى بتوتر "خلاص الحمد لله عدى كام يوم اهو وكلنا بدأنا نتحسن و محصلش خسائر كتيره كام غرزه على كام كدمة على كام اللتواء وربنا ستر"
اعتدل مازن فى جلسته وهو يتطلع إليها يعلم أنها من شجعتهم على المشاركة فى الشجار
"و لآخر مرة بقول لو شوفتونا بنتطحن تجروا مش تدخلوا تطحنوا معانا، انا عارف أن قصدكم خير بس صدقوني لما اتخانق واللى معايا شباب اهون بكتير ما اتخانق وانا بالى مشغول بيكم انتم التلاته، سامعه يالى عامله نفسك من بنها؟"
نظرت له وهى تلوي فمها الجهه الأخري بحنق و تردف "خلاص تمام الحق عليا"
"طيب بما اننا بدأنا نتحسن الحمد لله ف عايزين نبدء ن..."
قاطع حديثه فارس يصيح بغضب "أقسم بالله لو قولت نتمرن لألبس الطبق دا في وشك علشان أنا مصدقت جسمي يلم"
YOU ARE READING
Fantastic Five🦋
Romanceرواية FANTASTIC Five PDF بقلم حياة عادل ... رحلة كوميدية شبابية فى شوارع باريس مع خمس اشخاص مطاردين من قبل رجل الأعمال المعروف سالم الدويري، بعدما قام أحدهم بخطف ابنته يسر الدويري، ليتفاجئ الجميع أن يسر ليست مجرد فتاة عادية؛ بل هي فتاة تحمل شيطان بد...
