دلفت ليلى بعد قليل لـ تخبرهم أنها لم تلحقها، حاولوا الاتصال بها من أجل مساعدتها لكنها لم ترد
"انا كنت فاكر أنها الاكس بتاعته ولا حاجه مجاش فى دماغي خالص أنهم اخوات" تحدث فارس باستغراب بعد أن عادوا لـ جلستهم كما كانو من قبل
"كلنا افتكرنا كدا " اتفق معه عز، بينما جلست ليلى بجانبهم تشعر بأن داخلها يغلي من سوء معاملة مازن لشقيقته لتهتف بضيق "فى حد يعامل أخته كدا انا مش فاهمة"
"على حسب ما فهمته عنده مشكلة مع باباه و مامته علشان كدا بيتعامل معاها وحش" افترض عز
لتعترض يسر "حتى لو، دا مش مبرر، انا أتمنى أن يكون عندى اخ او اخت، وقتها يبقى عندك سند وظهر فى الحياه بنقوي بعض، مش نتخلى عن بعض فى المواقف دى زى ما مازن عمل كدا "
"خنزير " برطمت ليلى وهى تقرض شفتيها بغضب
بينما فى الأعلى دلف مازن الى غرفة النوم الرئيسية، كـ صغير تائه لا يعرف اين الصواب واين الخطأ، ما الذى يجب عليه فعله معها فـ رؤيته لها هكذا تمزق قلبه فـهى دائما ما كانت صغيرته التى اعتنى بها ورعاها بمجرد ظهورها بالحياة، لـ تتبدل الأحوال وتُصبح صغيرته، ابنه عدوة ولدته فـ ما التصرف الذى يجب عليه اتباعه !، لا يعرف حقا كل ما يشعر به هو التشتت و التمزق
ذهب إلى الطاولة الموضوعة بجوار الفراش، التقت من فوقها صورته مع والدته وهو صغير، احتضنها بشوق بالغ وهو يهوي فوق السرير يشرع فى البكاء كطفل صغير فقد مصدر أمانه للتو
"وحشتينى اوى يا ماما، مش قادر اسامحه مش قادر، انا ضعيف من غيرك جدا، قوليلى اعمل ايه .. اتصرف ازاى " أخذ يشكي إلى صورة ولدته ببكاء صادق حتى داعب جفونه المنتفخة النوم ليـشفق عليه عقله ويجعله يدخل فى نوم مرهق ومازال دموعه تهطل من جفونه المغلقه .
"انا بخير ياحبيبى واول ما المطار يفتح هتلاقينى عندك " تحدث فارس مع أبيه الذى اتصل للتو ليطمئن عليه
"يافريد لما انت مش قادر على بُعدي كدا اومال طول منا فى البيت بتتخانق معايا ليه، يلا احسن علشان تعرف غلاوتي "
التقت ولدته من فريد الهاتف بلهفه لتطمئن على فلذة كبدها
"كدا يا فروس كل دا بعيد عن ماما ياحبيبى، طمني عليك بتاكل كويس و بتنام كويس، لابس تقيل ولا لا ياواد بيقولوا الجو ساقعه عندك " أخذت تنهال عليه بالأسئلة
يا ماما انا بأكل كويس متقلقيش عليا ، وبتدفى كويس " أخذ يجيب على اسئله أمه وأبيه
"اول ما المطار يفتح هتلاقيني عندك، فين الواد الصايع! "
"ربنا يوفقه يكش ينفع فى الآخر عارفه ياماما لو خرج العربيه بتاعتي هعمل فيه ايه هولع فى أمه "
YOU ARE READING
Fantastic Five🦋
Romanceرواية FANTASTIC Five PDF بقلم حياة عادل ... رحلة كوميدية شبابية فى شوارع باريس مع خمس اشخاص مطاردين من قبل رجل الأعمال المعروف سالم الدويري، بعدما قام أحدهم بخطف ابنته يسر الدويري، ليتفاجئ الجميع أن يسر ليست مجرد فتاة عادية؛ بل هي فتاة تحمل شيطان بد...
