Bachelor Wifey (Rewritten)

#BWChapter28

Dumaan muna kami ni Elias sa palengke bago kami dumiretso sa condo niya dahil wala na naman daw laman ang ref niya. Kawawa talaga 'tong lalaking 'to. Miserable talaga ang buhay niya kapag hindi ako kasama.

Ngayon ko nakikilala si Elias ng lubusan, siya iyong tipo ng lalake na kapag nagmahal ay ibubuhos niya ang lahat sa isang tao lang. Kaya gets ko na kung bakit sila tumagal ni Paula, gan'on siya ka-faithful sa isang tao. At ngayon ko rin gets kung bakit willing siyang akuin ang bata kahit hindi siya ang ama, dahil gan'on siya katanga sa pag-ibig niya kay Paula. At kaya nagawa ni Atty. Tres na i-authenticate ang marriage certificate namin dahil para may makilala si Elias na ibang babae, na hindi lang si Paula ang pwedeng maging babae sa buhay niya.

At si Paula naman, dahil nga gan'on si Elias ay kaya niyang i-manipulate ang utak ni Elias. Matalino sa numbers si Elias pero hindi sa pag-ibig. In fairness kay Atty. Tres, nagawa niyang i-delay ang plano ni Elias na pakasalan si Paula. Dahil kung hindi, habambuhay nang maninipula ni Paula ang utak ni Elias. Kaya pala Paula ang name niya kasi isa siyang maninipaula. Charot!

"Bakit hindi mo sinabi na kinausap mo pala si nanay at ate?" Tanong ko sa kanya habang sakay kami ng kotse niya pauwi sa condo.

Tinignan naman niya ako saglit bago mapatingin ulit sa daan. "Sabi ko naman sa'yo, ako na ang bahalang umayos ng gulo. Kasi kapag ikaw, ang solusyon mo lagi ay annulment. Ayoko nga n'on, Lucia."

Napatingin naman ako sa kanya. Ang laki talaga ng ibinagsak ng katawan niya. "Sorry, and thank you kasi ginawa mo 'yon. Alam kong masaya na si nanay ngayon. Kumusta pala ang kaso mo?"

"Binayaran ko ang danyos sa ospital at sa pagpapagamot kay Chris." Sagot naman niya. "We settled it na, hindi na nila itutuloy ang kaso sa akin basta hindi ko rin daw itutuloy ang kaso kay Paula. We both agreed basta mag-resign na rin sila sa ospital para malayo tayo sa kanila."

Tumango naman ako. "H'wag mo ng uulitin iyon, ha? Sa tuwing naiisip mong makapanakit ng kapwa, isipin mo na ako ang una mong masasaktan kasi mag-aalala ako sa'yo; kami ng anak mo sa'yo."

Muli naman niya akong tinignan nang saktong huminto ang kotse dahil sa traffic light. Ngumiti siya at tumango. "Opo, last ko na iyon, misis. Sorry, ha? I was not there noong nakulong ka. Ang unang pumasok sa utak ko ay maghigante. Isang gabi rin akong nakulong."

Goal ata naming dalawa ang makulong. Pareho pa kaming nagka-record. Kalokang relasyon 'tong mayroon kami.

"Alam ko, at nakita kita." Sagot ko naman. "Tinulungan ako ni Enzo na makita ka sa kabilang room. Hindi ko kayang makitang duguan ang mukha mo, ang suot mo, at ang kamao mo. Magiging magulang na tayo, Elias. Let's be cautious sa mga desisyon at actions natin."

Kinuha naman ni Elias ang kamay ko at dinala iyon sa labi niya. "Hindi na po mauulit."

Naputol na ang usapan namin nang mag-go na ang traffic light kaya nagmaneho na ulit si Elias. Nang makarating kami sa condo niya ay pinaligo ko muna siya habang nagluluto ako. Agahan pa lang naman kaya mabilis lang ako nakapagluto kaya saktong tapos na rin siya maligo.

Tahimik lang kaming kumakain pero lagi siyang sumusulyap sa akin. Huminto ako sa pagkain para harapin siya dahil alam kong may bumabagabag sa kanya.

"May gusto ka bang sabihin?" Tanong ko sa kanya.

Huminga siya nang malalim at binaba ang hawak na kutsara't tinidor. Ngumiti siya nang pilit at tinignan ako. "Gusto kong magsimula ulit tayo, Lucia. At para magawa natin iyon, kailangan kong sabihin sa'yo ang nakaraan ko dahil alam kong naka-apekto rin sa'yo si Paula. Alam kong late na pero, I just want to tell you everything---my past, my feelings, and my plans for you."

Tumango ako dahil handa na akong pakinggan siya. Iyon kasi ang kailangan ko, ang marinig ang lahat, ang manggaling sa kanya ang lahat.

"Paula was my first love—my first to everything. I met her during our college years." Pagku-kwento niya. "I honestly didn't expect na magiging kami. But we clicked. We dated, we supported each other, and we were each other's pillars. She's my happiness—the woman I want to spend my forever with. We had ups and downs pero naaayos naman. I can't even think of other girl na, siya lang talaga. And I believed na gan'on din siya sa akin. Maybe that's why we lasted for a decade. Kulang na nga lang daw ay magpakasal kami---which I had plans before to propose na until..."