زمـــــــــن ...💜🍃

٢٩

عدت ايام عليهم وصهيب مصمم ان زمن هتحبه وبيجرب كل حاجة شوية رومانسيه وشوية تجاهل بيجرب كل حاجة في معاملته مع زمن

كان يوم الجمعه صحيت زمن علي صوت صهيب كالعادة

صهيب: نورا وهشام عازمنا علي الغدا يلا عشان تفطري وتاخدي الدوا

قامت زمن ودخلت الحمام واتوضت وادت فرضها وقعدت فطرت واخدت الدوا

زمن: انت كويس؟

صهيب: ايوة

زمن: انت زعلان مني؟

صهيب: لا مش زعلان

زمن: اومال في ايه بتتكلم معايا كده ليه

صهيب: انا اتكلمت ازاي

زمن بعصبيه: زي ما بتتكلم دلوقتي كده

صهيب ببرود: يلا البسي عشان نمشي انا هروح المكتب البسي وحصليني

خرج صهيب وزمن متغاظه من طريقته بس قامت لبست بنطلون اسود وبلوفر صوف رمادي واسع وكوتشي ابيض وشنطه بيضا وراحت لصهيب مكتبه

صهيب: يلا

نزلوا ركبوا العربية وصهيب كان بيندن كده ومتجاهل زمن تماماً وهيا كانت متضايقة جدا من التجاهل ده

زمن: انت بتعمل كده ليه

صهيب: بعمل ايه يا زمن

زمن بغيظ: ماشي يا صهيب براحتك

بصت زمن من الشباك وصهيب ابتسم بانتصار وصلوا لبيت هشام ونورا ودخلوا الاسانسير ومسك صهيب موبايله وهوا متعمد يتجاهل زمن لحد ما الاسانسير وقف وخبطوا على الباب واستقبلهم هشام ونورا بابتسامه ودخلوا

صهيب: مش عارف تاعبه نفسك ليه يا نورا انتي المفروض ترتاحي مش تعملي عزومات

نورا: ولا تعب ولا حاجة يا صهيب وبعدين يعني انا مش عامله عزومه عزومه انا بس حبيت اننا نتلم كده ونتغدى مع بعض

صهيب: ما انا بشوفك انتي وهشام تقريبا كل يوم

هشام: بس مبنشوفش زمن كل يوم

زمن: لا ماهوا معندوش مانع عادي وعنده استعداد هوا نفسه ميشوفش زمن كل يوم

نورا: انتوا متخانقين ولا ايه

صهيب: في ايه يا زمن هوا انا عملت حاجة

زمن: لااا ولا تاخد في بالك يا دكتور صهيب كبر دماغك

هشام: في ايه يا بنتي متخانقين ليه انا مشوفتش اتنين مخطوبين بيتخانقوا كتير كده

صهيب: مش متخانقين والله يا هشام انا مش عارف مالها

زمن: اه معلش بقى يا دكتور صهيب اصل انا مجنونه

نورا: الله؟ في ايه يا بنتي ما تقولي ايه اللي حصل