مرت ايام كتير والاوضاع مستقرة
صحيت زمن من النوم اخدت شاور وصلت ولبست اللي فوق ده☝ وسابت شعرها بدون اي قيود
صهيب بمرح: صباحك فل يا ست الكل
زمن بمرح: صباحك ابيض
نزلت زمن مع صهيب ووصلها الكلية دخلت زمن وسلمت علي سمر وكانت سمر بتشوف الصور بتاعت فرح نورا علي موبايل زمن
سمر: الصور حلوة اووي يا زمن وانتي كنتي حلوة اووي
زمن: حبيبتي
سمر: بس شوفي دكتور امير بيبص عليكي ازاي .. يا ستي والله بيحبك
زمن: سمـــر!
سمر: خلاص يا ستي خلاص يلا عندنا محاضرة
زمن:مين اللي علينا
سمر بضحك: دكتوووور اميير هههههه
زمن بغيظ: طب قدامي يلاا
دخلوا المحاضرة ودخل امير بعدهم وبدأ يشرح بس غصب عنه كل شوية يبص لزمن اللي خطفت قلبه وعقله من غير ما يعرف عنها حاجة ... اخد امير قرار وقرر انه ينفذه انهارده
خلص امير المحاضرة وخرج
قعدت سمر و زمن وكملوا باقي اليوم الدرااسي لأخره
خلصت المحاضرات وكلمت صهيب
صهيب: زمن معلش اركبي تاكسي وتعالي المستشفي بعد اما وصلتك الصبح العربية عطلت وودتها للمكانيكي وهاجبها بليل انا اسف والله
زمن بضحك: خلاص خلاص ايه كل ده هاجي اهوه .. انت في المستشفي
صهيب: اه مستنيكي اهوه
زمن: ماشي بااي
قفلت زمن مع صهيب بس مكنتش واخدة بالها من العيون اللي مراقباها
وقفت زمن تاكسي وركبته
زمن: مستشفي 57
السواق: حاضر
مشي التاكسي وامير ماشي وراه .. عشان يعرف بيت زمن ويتقدم ليها عن طريق اهلها .. ده اللي امير كان فاكره
وقف التاكسي قدام المستشفي ونزلت زمن ودخلت المستشفي
استغرب امير لما لقاها داخلة المستشفي بس ركن بسرعة ودخل المستشفي شاف زمن طالعه علي السلم طلع وراها بسرعة .. دخلت زمن اوضتها وقفلت الباب كان لسه امير هيخبط بس لقي ايد اتحطت علي الباب قدامه بص امير لقاه صهيب
صهيب: اتفضل معايا علي مكتبي
راح امير معاه وهوا مش فاهم حاجة قعد صهيب وامير قدامه
صهيب: ممكن اعرف ايه اللي يخليك تيجي ورا زمن لحد هنا
امير: انا مش فاهم حاجة هيا ايه اللي جابها هنا
أنت تقرأ
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
