زمـــــــــن ...💜🍃

23

مرت ايام وجه استدعاء لصهيب وزمن عشان يقولو كل اللي شافوه .. صهيب بقي كويس وبيمشي وفك الجبس اللي في ايده

راحوا القسم ودخلوا للظابط

الظابط: بطايقكوا لو سمحتوا

ادوا بطاقتهم للظابط وسجل بيانتهم

الظابط: اتفضلوا

قعدوا هما الاتنين علي الكراسي اللي قدامه

الظابط: ابدأ اكتب يا بني

...: حاضر يا باشا

الظابط: قول اللي شوفته يا دكتور

صهيب: انا كنت بعدي الطريق ومكنش فيه عربيات فجأة عربية سودا ظهرت ملحقتش اتحرك خبطتني وجريت مشوفتش اي حاجة غير كده

الظابط: وانتي يا آنسة زمن

زمن: انا كنت واقفة ببص علي صهيب وهوا بيعدي لقيت العربية دي جاية بسرعة كانت سودا ومن غير نمر شوفت الراجل اللي كان فيها ده كان مع فرح اختي لما كانت عايزة تاخدني من المستشفي صرخت بأعلي صوت عشان انبه صهيب ب.بس ملحقتش خبطته وج.جريت

كانت زمن بتتكلم ودموع بتنزل من عيونها

صهيب: خلاص يا زمن اهدي كفاية

الظابط: اهدي يا آنسة .. انا اسف بس لازم نقفل المحضر

زمن: انا كويسة انا بس عايزاك تجيب فرح هنا لازم تتعاقب وتاخد جزءها

الظابط: هوا انا هجيب فرح وهاخد اقولها بس هيا حالياً مفيش عليها اي حاجة

زمن: يعني ايه

الظابط: يعني فرح اختك هتيجي تقول اقولها وتمشي

زمن: يعني مش هتتسجن

الظابط: لا لأن مش هيا اللي كانت سايقة العربية

زمن: بس انا متأكدة ان هيا اللي قايلة للراجل ده

الظابط: هناخد اقولها دلوقتي ونعرف كل حاجة انا هبعت حالاً استدعا ليها معلش هتفضلوا معانا شوية عما تيجي

قعدت زمن وصهيب والظابط خرج

كانت زمن ساكتة بتبص قدامها بشرود

وصهيب بيبص عليها وعلي وشه ابتسامة بسيطة بيدرس تفاصيل وشها وبيحفظها

بشرة بيضا .. عيون خضرا واسعة .. رموش طويلة ..آآ...

قطع وصفة دخول الظابط ومعاه فرح قامت زمن وقفت هيا وصهيب

الظابط: اتفضلوا اقعدوا

قعدت زمن و صهيب علي الكنبة وفرح علي الكرسي اللي قدام مكتب الظابط

الظابط: نبدأ التحقيق .. آنسة فرح .. الآنسة زمن اختك بتتهم حضرتك في الشروع في قتل الدكتور صهيب فهمي ما اقوالك فيما نسب اليكي