فضلت الايام تعدي وزمن بتروح كليتها بإنتظام ورامي ده مبقاش يدايقها من ساعت اما صهيب ضربه😂
صحيت زمن من النوم علي صوت صهيب
صهيب: قومي الله يخربيتك هتتأخري يااا زماااااااااااان
زمن: ايه ايه بتزعق كده ليه يا عم انت
صهيب: ماهو ده مش نوم بني ادمين طبعين
زمن: بني ادمين!!
صهيب: ماهو جمع بني ادم ايه يا فزلوكة؟!
زمن: بني ادم اصلا جمع يا فزلوك انت
صهيب: اقنعتيني لالا ريلي اقنعتيني ... قومي بقي عشان متتأخريش
قامت زمن واخدت شاور وصلت ولبست بلوزة بيضا كت وبنطلون ابيض وفوقيهم جاكت اسود بكو وجذمة سودا وسابت شعرها
زمن: يلاا
نزلت زمن مع صهيب وركبوا العربية
صهيب: مكونتيش صداقات في الجامعة
زمن: والله مش اوي
صهيب: يعني مفيش بنات بتيجي تكلمك ولا ايه
زمن: لا في كتير بس كلهم سؤالهم واحد
صهيب: ايه هوا
زمن بتقلدهم: هوا لون عينيكي ده طبيعي
صهيب: 😂😂😂😂
زمن: اضحك يا خويا اضحك كلهم والله نفس السؤال معرفش يعني الجامعة مليانة بنات عينيها ملونة
صهيب: بصي انتي مش فاهمة .. انتي لون عينك مش اخضر عادي زي الوان العين .. لون مميز شوية يعني تحسي انه اخضر قالب علي رصاصي .. فاهمة؟!
زمن بغباء: لأ
صهيب: غوري يا زمن غوري
زمن: طيب يا خويا نازلة اهوه .. ال مميز ال .. سلاام
نزلت زمن ودخلت الجامعة وقابلت سمر
سمر: يلا عشان عندنا تشريح
زمن: تشريح ايه
سمر: تشريح بني ادم
زمن: ايييييييييييه؟!
سمر: يلا يا بنتي بقي
وشدتها وجريوا دخلوا المدرج كان في دكاترة كتير وكل دكتور جمبه جثة متغطية واتقسم الطلبة علي الدكاترة راحت زمن وسمر لدكتور وكان معاهم طلبه برضه واقفين كلهم حوالين الدكتور
الدكتور: انا دكتور امير دكتور التشريح
دكتور امير: دكتور في كليه طب بيشتغل علي التشريح سنه 33 سنة اعزب
امير: طبعا دي اول مرة تشريح جثة ليكوا .. يلا بسم الله
ورفع الغطا من علي الجثة
حست زمن ان جسمها كله تلج
YOU ARE READING
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
