زمـــــــــن ...💜🍃

17

بتتوالي الايام وكل حاجة زي ما هيا ماعدا امير .. دايما بيحاول يفتح كلام مع زمن بس هيا قافلة الحوار محبتش تقول لصهيب عشان الموضوع ميكبرش

صحيت زمن من النوم اخدت شاور وصلت ولبست سالبوت جينز بوي فريند ولبست تحتيه تي شيرت احمر بنص كم وسابت شعرها وربطت عليه شريطة لونها احمر ولبست صندل صيفي خفيف اسود في احمر

الباب خبط

زمن: ادخل

دخل صهيب

صهيب بمرح: صباح الخير علي ملكة جمال العشوئيات

فضلت زمن تضحك علي طريقته

صهيب: بقولك صحيح نورا جاية انهارده بعد اما انتي تيجي من الكلية

زمن: دي وحشاني اوي

صهيب: جاية تعزمنا علي الفرح

زمن: انا هروح؟

صهيب: بصي انا ومريم هنحاول نسرسبك من المستشفي كده

زمن: اشطاا

صهيب: طب يلا بقي عشان تروحي الكلية

نزلت زمن مع صهيب وركبوا العربية واداها مصروف الاسبوع بتاعها

زمن: معلش بقي يا صهيب بتروح كتير تسحب فلوس من البنك

صهيب بتوتر: هه.. ل.لا ولا كتير ولا حاجة عادي يا زمن

زمن: طيب انا هنزل بقي سلاام

صهيب: سلاام

زمن نزلت

صهيب: دي لو عرفت اني مبسحبش حاجة من فلوسها وكل دي من فلوسي انا هتقلبها خناق ومش هتاخد مني اي فلوس

دخلت زمن الكلية وقابلت سمر ووقفت معاها شوية

....: زمن؟! انتي ايه اللي جابك هناا

زمن: نورا؟ انتي اللي بتعملي ايه

نورا: ده انا جاية ادي دعوة الفرح لدكتور هنا كان جاري في بيتي القديم

زمن بمرح: انتي ناسية اني في كليه طب ولا ايه

نورا ضربت راسها بإيدها: يخربيتك الزهايمر اللي هيوديني في داهية

.....: نورا

نورا بمرحها المعتاد: دكتور امير يا مرحبا

امير: مش هتتغيري ابدا

زمن: طيب يا نورا انا همشي بقي عشان عندي محاضرة

ومشيت زمن وسمر

نورا: خد يا عم دعوة الفرح اهيه عارف لو مجتش هزعل منك

امير: لا طبعا هوا انا اقدر لازم اجي .. انتي تعرفي زمن ولا ايه

نورا بإستغراب: هوا انت تعرفها