صحي صهيب تاني يووم وقعد فطر مع اهله
صهيب: انا كنت عايز اكلمكوا في موضوع مهم
فهمي: خير يا ابني
صهيب: انا ق.قررت اتجوز
نجاة بفرحة: اخيرااا انا مش مصدقة .. مين وشوفتها ازاي
صهيب: زمن
نجاة بصدمة: مييييييين؟!
صهيب: زمن يا ماما
نجاة: زمن مين اوعي تكون اللي في بالي
صهيب: ايوة هيا يا ماما
فهمي: الف مبروك يا حبيبي ونعمة الاختيار
نجاة: اختيار ايه ونيلة ايه ... دي دي مريضة كانسر دي تجيبلك عيال زيها
صهيب: اظن واحدة متعلمة زي حضرتك يا ماما مينفعش تقول كلام زي ده انتي اكيد عارفة ان السرطان مش بتورث
نجاة: انا مليش في الكلام ده كله
صهيب: طب علي فكرة بقي يا ماما انا لو متجوزتش زمن مش هتجوز غيرها..انا بحبها
نجاة: يا صهيب انا عايزاك تبقي سعيد في حياتك
صهيب: ومين قالك اني مش هكون سعيد مع زمن انا اما صدقت ان قلبي دق لواحدة ارجوكي
نجاة: ماشي يا صهيب اعمل اللي يريحك انا برضه ميهمنيش غير سعادتك
صهيب: انا هتقدملها انهارده
فهمي: هتطلبها من مين
صهيب: دي بقي اللي بفكر فيها عايز اسعدها بحاجة زي دي
فهمي: ربنا يسعدكوا يا بني
صهيب: ياااارب يا بابا ياارب
نزل صهيب وركب عربيته وهوا بيفكر يعمل ايه لزمن عشان يفرحها واجاتله فكرة وقرر ينفذ علي طول
صهيب: الو .. هشام انتوا موجودين في البيت .. طيب انا جاي ليكوا دلوقتي .. سلاام
راح صهيب بالعربية لحد بيت هشام ونورا وطلع وقعد معاهم
صهيب: انا .. انا هخطب زمن
هشام& نورا: اييييييييييييييه
هشام: في ايه يا بني انت كل شوية تيجي ترملنا قبلة كده
صهيب: زمن هتخرج كمان 10 شهور من تحت وصياتي يوم عيد ميلادها الـ21 هنكون متجوزين عشان تفضل تحت وصايتي علي طول يعني المفروض كمان 10 شهور نكون متجوزين
نورا: طب وزمن
صهيب: اقنعتها بالعافية .. قولتلها اختك مش هتسيبك .. لازم نتجوز
هشام: طب هتعمل ايه
صهيب: بصوا انتوا تروحوا ليها المستشفي انهارده وتبقي انت قاعد معاها يا هشام وانا هطلب ايدها منك .. مش عايزها تحس انها من غير اهل ومفيش حد اطلبه منها
YOU ARE READING
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
