صهيب بصريخ: عشان بــــــحـــــــبــــك
.. صدمة .. صدمة .. صدمة
زمن بعدم استيعاب: ا.ايه؟!
صهيب بألم: اه بحبك .. بحبك يا زمن بقالي فترة بحس ناحيتك بإحساس غريب اول مرة احسه حسيته معاكي فضلت فترة مش عارف ايه بيحصلي مش عارف افسر مشاعري ناحيتك مكنتش عارف اصلا ايه معني احساسي ده بس دايما عايز اشوف وشك اللي اتحفر في قلبي بيضحك لما بتعيطي كل دمعة بتنزل منك بحس انها سكاكين بتقطع في قلبي لما بحس انك بتتوجعي ببقي بتوجع اضعاف وجعك لما بتكوني زعلانة بحس اني عايز اشقلب الدنيا دي كلها عشان اشوف ابتسامتك بس لما بتضحكي بحس ان الدنيا كلها بتضحكلي البصة في عيونك دي هيا اللي كانت بتكمل يومي .. لما شوفت بصة دكتور امير ليكي في فرح هشام ونورا وحسيت انه معجب بيكي انا في نار كانت قايدة في قلبي .. ولما جه وطلب انه يخطبك مني انا حسيت زي ما يكون حد مسك قلبي وفضل يطعن فيه حسيت اني عايز اهد الدنيا دي كلها ح.حسيت اني عايز اخبيكي من عيونهم كلهم عايزك تفضلي قدام عيني انا بس كل ده تفسريه بإيه غير انا بحبك .. لا انا بعشقك
كانت زمن حاسه ان هيا في حلم كانت حاسه ان كل ده مش حقيقي
الدموع اتجمعت في عيونها
زمن: ا.انا ع.عايزة امشي
ركبت العربية وقعدت وسندت دماغها وغمضت عيونها
اتنهد صهيب وركب العربية وساق وهوا ساكت وكل شوية يبص عليها يلاقيها مغمضة عيونها لحد اما وصلوا المستشفي
صهيب بهدوء: وصلنا
فتحت زمن عيونها وفتحت الباب وهيا ساكته ونزلت وطلعت اوضتها غيرت هدومها وقعدت علي سريرها وضمت ركبتها لصدرها وسندت دقنها علي ركبتها وفضلت باصة للفراغ .. مش قادرة تفكر .. تايهه .. عقلها مشوش .. حاسه ان كل ده حلم .. لالا ده كابوس واكيد هتصحي منه
في مكتب صهيب
كان قاعد علي الكرسي وساند دماغه ومغمض عيونه وبيفكر
صهيب: ازاي قولت كده؟ .. ازاي خرجت كل اللي في قلبي مرة واحدة كده؟ .. ازاي ارميلها كل ده في وشها؟ .. ازاي مفكرتش قبل ما اتكلم؟ .. هتتعامل معايا ازاي بعد اللي حصل؟ .. ازاي انا هتعامل معاها بعد اللي قولته ده؟ .. شايفها حبيبتي مش مريضة عندي .. ازاي اسيب نفسي لحد اما يحصلي كده؟
قطع تفكيره خبط علي الباب
صهيب: ادخل
مريم بلهفة: الحق يا دكتور صهيب روحت عشان اخد زمن تاكل مرضيتش ولما حاولت معاها فضلت تصرخ وتكسر في كل حاجة ومحدش عارف يسيطر عليها ولا يهديها
جري صهيب بسرعة من مكتبه لاوضه زمن ووقف علي الباب كانت زمن بتصرخ بهيسترية وبتكسر كل حاجة في الاوضة
أنت تقرأ
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
