زمـــــــــن ...💜🍃

2

#صهيب
زمن فضلت تبص حوليها بفرحة كانت باينة في عيونها جبت كرسي وقعدت قدامها

صهيب:مبسوطة يا زمن

زمن:جدا جدا جدا انت مش عارف انا فرحانة اد اييه

صهيب:طب يا ستي نتكلم بقي ها احكيلي

اتنهدت زمن

زمن:بص قبل سنتين الا شوية كدة كنت عايشة اجمل حياة كانت كل الناس بتحبني اوي كنت بحب عيلتي كان عندي اختين بحبهم اوي كانوا اكبر من الكبيرة اسمها اميرة واللي بعدها اسمها فرح كنت انا الصغيرة كنت مدلعة جدا كنت حلوة اوي مكنش شكلي كده *طلعت موبايلها*بص كده ديه صورتي في فرح اميرة

كانت لابسة فستان دهبي قصير فوق الركبة ومن ورا متركب فيه شيفون دهب وطويل للأخر وكانت فاردة شعرها الطويل كانت حلوة بكل المقاييس

صهيب:دي انتي؟

زمن:اه انا شوف الصور ديه بقي

صور كتير مع عيليتها وباين ان هما بيحبوها اووي

صهيب:بس باين ان هما بيحبوكي اوي

زمن:محدش بيحبني انا لما تعبت وجالي الكانسير وجابوني فضلوا معايا اسبوعين كده واول عملية ليا كانوا معايا بعد كده فرح اختي اللي كانت اقرب واحدة ليا قالتلي

Flash back

فرح:زمن انتي خلاص لازم تنسينا

زمن:يعني ايه يا فرح

فرح:انا متقدملي عريس ومش عايزة حد يعرف ان اختي عندها سرطان ليخافوا انه وراثي ولا حاجة

زمن: لا يا فرح انتي مش هتسبوني لوحدي

فرح:اميرة برضه بتقول كده خايفة لجوزها يطلقها وياخد البت منها ده احسن لينا

زمن عيطت جامد:ليه كده انا طول عمري فاكراكوا بتحبوني

فرح:لا يا زمن احنا مش بنحبك طول عمري انا واميرة بنكرهك عشان انتي احلي واحدة فينا دايما كل الناس تبصلنا وتقول بس ازاى زمن مش شبهكوا خالص هيا احلي طبعا ليه دايما بيتقالنا كده

زمن:وانا ايه زنبي يا فرح

فرح:معرفش بس اللي عايزاكي تعرفيه ان احنا مفهمين الناس انك هتكملي تعلميك برا تاخدي ثانوي وجامعة

زمن:طب لما مدة الدراسة تخلص هاتقولوا للناس ايه

فرح:لا متخافيش محدش بيفضل عنده سرطان كل ده يا اما هتخفي وهنرجعك تعيشي تاني معانا يا اما هتموتي وساعتها هنقول اي سبب لموتك وندفنك ونكمل حيتنا

زمن بصدمة:ط.طب وماما

فرح:انتي عارفة ماما بتحب المظاهر وكانت بتعمل كده عشان تتباهي بجمالك قدام الناس بس دلوقتي جمالك ده هتخسريه يعني مثلا شعرك ده اللي كل الناس لما تشوفه تنبهر بجماله كانوا مسمين شعرك سلاسل الدهب دلوقتي بقي كل ده هيقع ...هيقع يا زمن