مرت ايام وصهيب لسه في المستشفي وده المفروض اليوم اللي هيخرج فيه
صهيب: خارجلك اهوه يا استاذة زمن عشان نشوف الكلية اللي مش بتروحيها دي وجلسات الكيماوي
زمن بمرح: ايه يا عم مالك حامي عليا كده ليه اهدي شوية
هشام: انا ركنت العربية تحت المستشفي
فهمي: اركب بقي مع هشام عشان العربية بتاعتي ملقتش ركنة ليها تحت المستشفي
مسكت زمن في دراع صهيب بعفوية
زمن: انا هركب مع صهيب
صهيب: ماشي يا حبيبتي اركبي معايا
كان هشام وفهمي بيسندوا صهيب لحد تحت وركب صهيب في عربية هشام وركبت زمن جمبه وساق هشام ونورا جمبه
زمن بمرح: حمد لله علي سلامتك يا صهيبوب
صهيب: الله يسلمك يا زمن
ساق هشام لحد المستشفي
صهيب: انزلي يلا يا زمن خدي علاجك وذاكري .. ذاكري يا زمن وروحي كليتك بكره
هشام: انا هتطوع كرم من اخلاقي واجي اخدها اوصلها في طريقي وانا رايح الكليه ( افتكروا هشام دكتور في كليه السن)
صهيب: اخلاق والله
نورا بمرح: طبعا ده جوزي يا جماعة
صهيب: طب بس متتغريش اوي كده
نورا بمرح: ناااااعم ماله جوزي قمر يا ناس عليه جوز عيون زرق .. تعرف ياله يا هشام لو عيلنا مطلعوش شبهك هخدهم ونط من السطح
هشام: ده انتي اللي قمر .. متجوز حيييلويااات يا ناس
زمن: طب نزلوني بقي وكملوا رومنسيتكو المعوقة دي بعدين
هشام: انزلي يا ختي هرن عليكي بكرة بقي
زمن: اشطاا
طلعت زمن المستشفي واخدت علاجها وذاكرت زي ما صهيب قالها وبعدين نامت
صحيت زمن علي صوت التليفون
زمن بنعاس: الو
صهيب: صباح الخير
زمن: صهااايب .. عامل ايه
صهيب: كويس الحمد الله قولت لازم تسمعي صوتي اول واحد عشان مش هتشوفيني انهارده
زمن: خف بسرعة يا صهيب عشان المستشفي وحشة من غيرك
صهيب: والله يا زمن انا اللي وحشتني المستشفي وانتي كمان وحشتيني
زمن: طب بص هشام بيرن عليا اما ارجع من الكلية هكلمك باي
صهيب: باي
قفلت زمن مع صهيب وردت علي هشام
هشان بمرح: قومي يا ختي غيري هدومك يلا انا قولت اصحيكي
أنت تقرأ
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞