عدت الايام والشهور وفي اليوم ده بالتحديد زمن كانت واصلة لدرجة كبيرة جدا من التوتر لأن بكرة اول يوم امتحانات ليها
صهيب: يابنتي اهدي بقي
زمن بعياط: انا هموت مش قادرة انا نسيت كل حاجة انا هسقط هسقاااط
مريم: يا ستي بعد الشر اهدي انتي عملتي اللي عليكي وذاكرتي اهدي بقي وراجعي كده من الملخصات اللي جبنها
زمن: حاضر
طق طق طق
صهيب: ادخل
نورا: القمر عامل ايه
زمن بعياط: هموت يا نورا
نورا: بعد الشر عليكي متخافيش كده هوا اول يوم بس يعدي هتلاقي كل حاجة اتحلت
زمن بعياط: انا حاسة ان قلبي هيقف
نورا بمرح: انتي اسمك الحقيقي عيوطة صح؟!
ضحكت زمن بين دموعها
نورا: اقعدي بقي راجعي ..يلا احنا بقي نسيبها تذاكر
وخرجوا كلهم من اوضة زمن وفضلت زمن تذاكر
نورا: انا همشي بقي
صهيب: انتي لحقتي تيجي
نورا: هشام مستنيني تحت ( هشام يبقي خطيبها) انا قولت آجي اشوف زمن انا عارفة انها هتبقي قلقانة ومتوترة
صهيب: شكرا يا نورا و سلميلي علي هشام بقي
نورا: تمام يلا سلاام
ومشيت نورا
راح صهيب مكتبه ومريم راحت تشوف بقيت الحالات
عدي اليوم وقرر صهيب انه هيبات في المستشفي عشان يطمن زمن
دخلها صهيب لقاها منامتش وبتعيط
صهيب: يخربيت نكدك يا شيخة ارحمني ده الواحد مكنش في ثانوية عامة علي اللي انتي بتعمليه ده
زمن بعياط: انا مرعوبة اوي مش متخيلة اني هصحي بكرة آلاقي مراقب في وشي وبيديني امتحان
صهيب: انا معاكي متخافيش انتي هتمتحني هنا في المستشفي يعني كلنا حواليكي عموما انا هبات في المستشفي يعني متقلقيش
زمن: شكرا بجد
صهيب: تصبحي علي خير
زمن: تلاقي الخير
ونامت زمن وراح صهيب مكتبه ونام
الصبح
صحي صهيب علي صوت المنبه راح اوضة زمن عشان يصحيها
صهيب: يلا يا زمن قومي لسه ساعة والمراقب يجي
قامت زمن واخدت شاور وصلت وقعدت تراجع
طق طق طق
شحب وش زمن جدا
صهيب: ادخل
أنت تقرأ
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
