اول يوم جامعة لزمن دخلت كلية طب جامعة القاهرة اخدت شاور اصلت ولبست تي شيرت لوني لبني بكم ودخلته من قدام في بنطلون ابيض وكوتشي لبني وشنطة بيضا وسابت شعرها للهوا بحرية
دخل صهيب
صهيب بمرح: ال ال ال ايه الحلاوة دي
زمن بتوتر: صهيب انا هموت من الرعب
صهيب بمرح: ليه بس يا دكتورة زمن
زمن برعب: ياعم بلاش دكتورة دي بقي
صهيب: مالك يا زمن
زمن: خايفة اووي من الجامعة دي
صهيب: مفيش اي حاجة تخوف يا زمن عارفة زي المدرسة بالظبط يلا خودي دول
بيديها فلوس
زمن: ليه الفلوس ديه
صهيب: ده مصروفك يا زمن كل اسبوع هتاخدي زيه
زمن: وانت جايب الفلوس ديه منين
صهيب بمرح: من جيبي
زمن: صهيب مبهزرش
صهيب د.دول من حسابك .. حسابك اللي في البنك
زمن: ماشي
واخدتهم وحطتهم في الشنطة
صهيب: يلا بقي عشان اوصلك هتتأخري علي المحاضرة
نزلت زمن مع صهيب وركبوا العربية
صهيب: ناوية تتخصصي في ايه يا زمن
زمن بإبتسامة: اورام
بصلها صهيب وضحك
صهيب: بجد.. طب اشمعني
زمن بإبتسامة وبراءة: عشان نفسي ابقي زيك
حس صهيب بفرحة كبيرة اوي
صهيب: زمن انتي بتهزري
زمن ببراءة: اهزر ليه انا بجد نفسي ابقي زيك
صهيب بفرحة: يع.. يعني انتي بجد نفسك تبقي زيي يعيني انا قدوتك
زمن بإبتسامة: ايوة يا دكتور .. ولا دكتور ايه بقي احنا نشيل الالقاب احنا بقينا دكاترة زي بعض
فضل صهيب يضحك علي كلمها
صهيب: طب يلا انزلي يا دكتورة
زمن: ط.طب خاليها بكرة مش لازم يعني احضر
صهيب: زمــن انزلي يلا
نزلت زمن وبصت للجامعة بخوف
زمن في نفسها: كل دي ناس هما مالهم كتير اوي كده ليه
بصت وراها عشان تكلم صهيب لقيته مشي
زمن: اااه يا صهيب .. ايه الواطينه دي.. انا هدخل بقي وامري لله بسم الله دخلت زمن الكلية وكانت بتبص حواليها بخوف لقت واحدة واقفة فراحت نحيتها
YOU ARE READING
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
