مكنش صهيب قلقان من اغماء زمن لأنه عارف ان هيا كانت بتضغط علي نفسها لمجرد انها تبان قوية قدامهم كل اللي كان شاغل باله موضوع انه واصي عليها مسؤلية كبيرة اووي عليه
وصل صهيب المستشفي وشال زمن من العربية ودخلها اوضتها دخلت مريم وراه بسرعة
مريم: دكتور صهيب حضرتك كنت فين وزمن معاك انا قلقت جداا
صهيب بشرود: انا مش عارف هعمل ايه
مريم: تعمل ايه في ايه يا دكتور
صهيب: والد زمن توفي
مريم بشهقة: لاحول ولا قوة الا بالله
صهيب: وجات اختها الكبيرة وكانت عايزة تخدها بالعافية عشان يفتحوا الوصية انا جيت علي اخر لحظة وصممت اني اروح معاهم روحت وقرأ المحامي الوصية والد زمن خلاني واصي علي زمن وعلي فلوسها
مريم بتعجب: ايــــــه؟!
صهيب: انا برضه استغربت بس مش عارف اعمل ايه
مريم: متقلقش كده كده زمن بتتعالج هنا مجانا مصاريف تعليمها نبقي نسحب من الفلوس اي حاجة تحتاجها برا العلاج نبقي نسحب من فلوسها
صهيب: بس أهلها مش هيسكتوا
مريم: ولا يقدروا يعملوا حاااجة ده حق زمن وانت اللي بقيت مسؤل عنها وعن فلوسها
صهيب: ربنا يستر يا مريم المهم انا عايز افوق زمن هيا اغمي عليها بس لما تصحي هتنفعل وانا خايف عليها
مريم: انا هروح اجيب حقنة مهدئه عشان لو مقدرناش نسيطر علي انفعالها
صهيب: تماام
راحت مريم تجيب الحقنة وبص صهيب لزمن بشفقة علي حياتها اللي كل اما يحاول يعدلها تبوظ تاني
حط ايده علي شعرها
صهيب: ان شاء الله هعوضك عن كل حاجة هكون ابوكي واخوكي يا زمن
مريم: جبت الحقنة يا دكتور يلا فوقها
مسك صهيب ازازة برافان ورش علي ايده وبدأ يخلي زمن تشمه فضلت شوية لحد اما استجابت فضلت تبصلهم وبعديها انفجرت من العياط
زمن بعياط: ااااااه يا بابا انا عايزة بابا انا كده مليش حد انا ه.هعمل ايه دلوقتي
صهيب: وبعدين ايه اللي بتقوليه ده انا معاكي يا زمن
مريم: وانا كمان عمري ما هسيبك
قعدت مريم جمب زمن وحضنتها فضلت زمن تعيط في حضنها جامد وهيا حاسه انها خلاص كده معدش ليها ضهر او سند
مريم: خلاص يا زمن اهدي يا حبيبتي
زمن: ااااااااه يا مريم اااه
مريم: كفااية يا زمن متعيطيش كفاية
صهيب: خلاص يا زمن باباكي كان عمره كده ربنا قدرله الموت كده احمدي ربنا ان انتي شوفتيه قبل ما يموت
ESTÁS LEYENDO
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
