كابوس اليقظة

السادس

مساء الخير

كابوس اليقظة
الجزء السادس

ججنت احضرلي عشاا بس سمت صوت
وختلت خفت عبالي جني..
بقى صافن بوجهي وضحك باستهزاء..كاعدة
نص الليل تبلعين ديلة بلة..روحي جوا بسرعة..
اي هسه بس اخذ لفتي..
استعجلي بسرعة..حجه ورجع حجه بالفون..كملتي؟
انا التفتت عليه عبالي يحجي وياي اشرلي بيده خير!؟
لا عبالي تحاجيني..
نفخ حيل وطلع من المطبخ..

اي فكة المن واكف ع راسي اريد اكل لو لا تسممني..
مديت راسي وراه راح صعد..سويت لفتي وكعدت اكل
وصافنة بأسلوبه هذا شلون هيج يحاجي زينة مو خطية؟وهي
شلون تقبل تنهان انوب بالخطوبة المفروض يدللها
يتغزل بيها..غير شخصية غريبة هالبشر هذا..
كملت اكلي ورتبت المطبخ ورجعت للغرفة ..بس حطيت
راسي نمت..

صار يوم الجمعة وصارت خطوبة مهند..صح
الحضور كلش قليل بس صارت حفلة حلوة..
اجت رشا وكابلتها وكعدنا نسولف ..كالت صديق
اخوها عنده عرف بوزارة ويريدون موظفين اجر يومي..
وماخذ اسمها واسمي واسم مناضل كتلها اذا صدك وطلع
اسمي اول راتب االج..واحنا نسولف دخل مهند يلبسها الذهب..

لبسها وكمل وماما انطته علبة كبيرة ..طلعت منها كرسي
جابر حيل ضخم ولبسته لزينة..كلتلها هذا هدية من عمج
صلاح..شاورتني رشا وهي تضحك..جاي ينطون زينة رشوة
حتى تقبل بالحقنة مالتهم..
ضحكت خليت ايدي ع حلكي وخزرني مهند..من بين كل
الناس الجانت تضحك وتتهامس باوعلي وخزرني رغم جانت
ضحكتي عادية ..تجاهلته ومااهتميت لتضرفه..

من خلصت الخطوبة ورجعنا..بقى هو بييت زينة وانا وماما وبيبي
رجعنا امجد ..وبابا جان ويانا هم..بيبي باركت ماما وحجت بقصد..
يوم الافرح باصايل وامجد ونذر علي بعرسج يا اصايل اچسي
عشر ايتام بليلة العيد..جاوبها بابا..اي بعد اجه دورها
اصولة بس كولو ياالله..
شني خطبوها منك ؟سألته بيبي وابتسمت..
اي بس بعد مو هسه ..خليها لوقتها..

سكتت بيبي ماناقشته وانا كمت انطي الوان..بس قررت
بيني وبين نفسي ارفض ..مثل ماهم وكفو بطريقي
ورفضو مناضل مراح انطيهم على مايهم واقبل باليجيبو..
وهم بلكي صدك يطلع اسمه ساعتها تتسهل ويرجع يتقدم مرة
ثانية..

ورا كم يوم صار موعد النتائج..اتفقنا انا ورشا نروح سوا..يجيبها
اخوها ويمرون عليه يوصلوني ويرجعوني..
كعدت الصبح وتحضرت..انصدمت بمهند ينتظرني بالصالة..
اول ماطلعت من غرفتي كام وهو يرتب ملابسه..يلا امشي
انا اوصلج..
جاوبت ووجهي بهت..بس اتفقت وي رشا نروح سوا..
خابريها كليلها تروح..
بقيت واكفة ..حط ايده ورا ظهري ومشاني..يلا يلا خابري
بالسيارة..

طلعت ويا بس متضايقة يعني حنت فرحانة ومتأملة اشوف
مناضل متأكدة رح يجي..شكول عليك مهند ..
ضجتي لان انا اخذتج؟؟سألتي والتفتت عليه وهزيت راسي..لاا
ليش اضوج؟
خاف متواعدة وكطعت موعدج فد شي من هالنوع!..
اي تواعدنا انا ورشا نتشاوف..وهسه اكيد من اوصل اشوفها..
شو مانطيتيها خبر لا تجي!!
لا توني دزيتلها مسج ..