كابوس اليقظة

31

صباح الخير

كابوس اليقظة
الجزء الواحد والثلاثون

مادري يمه اخذيني للحمام يمكن نزلت الشهرية لان متاخرة..
وين بيج حيل توكفينخ ولج يمه خاف حامل وطرحتي..
منين حامل ماما مستحيل مو حامل وديني للحمام عفية..
اي شلون عرفتي نفسج مو حامل ياامي شو امشي
للحمام امشي..

فوتتني للحمام وراحت جابتلي ملابس وانا كوة ساندة
نفسي وكاعدة غسلت ولبست وهي واكفتلي بالباب..طلعتني
مددتني بالصالة وكابلتني وكعدت محتارة..تالي كالت العصر
اخذج للدكتورة رغم كتلها امبين متاخرة من الدوة وبس
كطعته نزلت بس مااقتنعت..

بقيت ممددة بمكاني ودايخة ماحسيت ع نفسي من غفيت..
فزيت ع صوت حجي فتحت عيوني شفت مهند
واكف يحاجي امي..كعدت لحيلي عيوني تغوش ..سالني
شلون صرتي ماجاوبته مشيت بسرعة لغرفتي لان جنت
بلا حجاب ..
فتت لبست حجابي ورحت للحمام احس عندي نزيف مو شي
اعتيادي..

طلعت ورجعت لغرفتي ومددت بفراشي..شوية وانفتح الباب
فاتت امي تطمنت عليه كتلها اشوف نفسي احسن
بس عبالك نزيف صار عندي..كالت فد شوية واخذج
للدكتورة ونشوف..
طلعت وشوية وفات مهند ..جريت الغطا غطيت جسمي
كله بس راسي بقى طالع ..باوع وضحك..شبيج بعد
لبسي درع!

تفضل؟حجيت بهدوء..
شبيج شو امي تكول راسج ودختي بس جنج جايتج الشهرية !
ما يخصك ..راسي ياذيني شوية وبس..
انت ليش ماتكصرين لسانج!!
غمضت عيوني ودرت وجهي ..عاط..هييي مو احجي ويااااج!!
بقيت دايرة وجهي عنه ..ضرب الباب وطلع..

للعصر اخذتني امي ورحنا للدكتورة..شوفتها العلاج الاخذه
وحجيتلها كالت طبيعي يصير بالمثل حالتج..بس روحي
سوي تحاليل وسونار ورجعيلي نتاكد افضل..
سويت بالاول تحليل ورحت للسونار ..جان دكتور لان
دكتورة ماموجودة..قرا الورقة مالتي وبلش يفحص..كمل
فحص وكتب التقرير بلا مايكول شي وانا استحيت اسأله كلت
الدكتورة تفهمني..

طلعت لكيت ماما جايبة التحليل اخذناه ورجعنا للدكتورة..
اول ماقرته وجهه تغيرت ملامحه..حركت ايديها تشرح..اصايل
للاسف جان اكو حمل بس طايح ..والتحليل الرقمي هم
يوافق كلام السونار..هو بالعادة دوا الجلطة كلش مضر
واساساً انت عندج ضغط يعني حسب كلامج تركتي الدوا
وانفعلتي وضغطج فول وو للاسف صار الصار..

جنت اسمتع لكلامها حرف حرف وصافنة ع حلكها
شلون تحجي..
اخر شي كلتلي ..بعد هذا شي مامقسوم حبيبتي كولي
الحمدلله..
حامل شلون!هزيت راسي بأستغراب..
اي بس امبين بعده بالبداية كلش..
حامل شلون دكتورة انا الشهر الفات والقبله اجتلي وبصورة
منتظمة!لحد قبل لا ..اتمرض باسبوع خلصت!

اي ممكن بالفترة التمرضتي بيها جان بطور تكوين يعني
مايأثر بي مرضج !
يعني انا عندي جلطة!وحامل !وطفلي طاح!حجيت بعدم
وعي..امي لزمت ايدي عبالها تصبرني!بس عن شنو
تصبرني!!