كابوس اليقظة

28

صباح الخير

كابوس اليقظة
الجزء الثامن والعشرون

دنكت راسي وخليت ايدي ثنينهم على وجهي وبقيت
اشهك بحركة..احس لساني ثكل ماكدر احجي
ردت بس افتح حلكي افهم ابوي ماكدرت..
صابتني رجفة واحس عركت رغم الجو جان
بارد جحيل..
لزمتني دوخة ولعبان نفس واحس نفسي بدا
يختفي..رفعت ايدي وباوعت لابوي وااشرله
ع صدري اختنكت..

فتح عيونه باستغراب وهو يهزني شبييج
بابا شبيييج..
ماكدرت اجاوبه احس روحي انسحبت من جسمي
وصار ظلااام..
اخر صورة بقت بعيوني ابوي مصدوم ويهزني
يريد يفتهم شبيه بس انا مثل الانشليت..

فتحت عيوني بتعب ونفسي تلعب كلش
لكيت اهلي حواليه وانا بالهول ممدة وامي تفرك
بيديه وتعصرهم..
بس فتحت بابا كال ها شتحسين شبيج بابا
شلون صرتي؟
هزيتله راسي ماكدرت احجي ..بس غمضت ودموعي
تصب..

كام وهو يستغفر وتقربت مني زينة شربتني ماي
وعينها مدمعة..
راح كعد ع القنفة ويباوعلي بخزرة ويهز برجله..
اجت عيني على مهند يفتر ويخابر ..يروح ويرجع
ويخابر ومتوتر ..
الكل جان ساكت وشي تباوع بوجه شي ..

تحركت ردت اعدل نفسي واكعد بس زادت
دوختي..
حطت امي ايدها ورا ظهري وهمست..كومي
جوا ارتاحي ومددي..
ابوي يخزرني من بعيد درت عيني عنه بسرعة..
سندوني امي وزينة اريد اكوم..اجه مهند وهو يحط
فونه بجيبه ووجهه مايتفسر من العصبية..

دفعني من ايدهن طحت بالكاع..اباوع لابوي
غمض عيونه وهز راسه وكام دخل لغرفته..
امي وزينة سكتو ماحجو حرف..لان يعرفون مهند
شنو وطبعه شنو..
بقيت منزلة راسي وايدي ع ظهري كام يوجعني..
وهو واكف فوك راسي ويهز برجله ..

عوفوني يمها..حجه ببرود..
ردت زينة بخوف..مهند شوية شوية عليها ترى
صحتها تعبانة..
وامي حجت بهدوء..لا تنسى شماصار هاي اصايل واحنا اهلها
والبنية ظهرها اهلها..
وبعديييييين؟؟؟؟عاط بصوت عالي ..يلاااا جوااا..
راحو امي وزينة وبقيت انا ع كعدتي..

كعد ع القنفة الكدامي وينفخ بانزعاج..رفعي راسج..
رفعي رااااسج..
رفعت راسي وباوعتله بعيون كوة تركز من الدوخة..
جانت نظراته توحي بمدى عصبيته وخزرته الي
مثل السهام وتتتوزع بكل جزء مني..
****چ ليش مايرد؟؟؟؟
غلط على مناضل وهو يسألني..هو دومه لسانه مو نظيف
ويفشر وهسه لكاله فرصة يذلني بيها..

جاوبته بتعب وحيل مهدود وكلماتي مقطعة وكوة
تنسمع..مادري..
شلون خلاج تطلعين هيج وكت ؟؟؟
جاوبته وانا مصفنة بوجهه ..صار عندي عدم تركيز والحجي اسمعه ماافهمه..عاط مرة ثانية..شلوووون طلعتي بحدددج؟؟؟
حجيت وانا افز وانكت راسي..ماجان موجود..
شنو؟؟!حجى بغضب واجه كعد كدامي وعت ايدي..
شجاي تخرطين انت؟؟وين مولي وشصاير؟!

نزلت دموعي وشفافي ترجف..مهند الله يخليك
مابيه احجي اريد ارتاح..زين امجد اخوي وين اريد امجد..
لزمني من حنكي وعصره حيل..وعيونه تخزر بيه..ترتاحين
واحنا هنا نتلاطم؟؟امجد اذا نزل وشاف اخته جاية الفجر بحدها
تردين يهلهلج؟؟
بسس صلفة وتبقين عمرج كله
صللللفة..ترك حنكي بدفعة ويحجي بعصبية..
هسه تحجين كلشي هسسسه..ماريد اروح لذاك
السكط وانا مافاهم السالفة..