كابوس اليقظة

14

مساء الخير
البوم تأخرت عليكم عذروني بس متجمعين ببيت الاهل ومسوين
عيد الام ورجعت للبيت بالوحدة وكملت البارت هسه(كل عام وانتو بخير)

كابوس اليقظة
الجزء الرابع عشر

باوعتله باستغراب ..يعني شنو محفز؟شنو منوم؟
المحفز يخليج مسترخية وماتتأذين والمنوم بعد حبوب تنيم يعني
اذا ماتردين تشوفيني او تحسين بيه ..الافضل اتقربلج بنومتج لان
امبين مالج نفسه بيه كلش..
كعدت لحيلي من شفته يحجي بنبرة قهر ..باوعتله وابتسمت..انا
مارافضتك لان مااحبك..بس ماعرف شلون اوصفلك شعوري..
شوف تدري يعني من تتقربلي يصير عندي احساس مثل
الشخص اليريد يذبحو..حجيت وبرطمت ..

مد ايده لخدي يمسح عليه..لا تبجينن انا مامناقشج حتى ابجيج..بس
لان احبج من حقي الكى راحتي وياج ..وبلحظة فكرت كلت
يمكن مامتقبلتني فالاحسن انطيها حلول تساعدها..
يعني بنظرك هذا الحل مناسب؟
هههه انا اريد الجواب منج وبعدها اجاوبج..
انا بنظري هذا حل مقزز انت شنو ذنبك تتقرب لجثة!
هز راسه مبتسم..هسه ارتاحيت لان رفضتي..ع الاقل فهمت انت تردين
تحسين وياي مثل مااريد احس واستمتع..

اممم زين شنو يسوي المحفز يخدر؟
حك لحيته وضحك..لا بس مفعوله يعني شلون افهمج ههه بس ينشط..
شنو ينشط؟
اكلج شنو انت ماسامعة بهالموضوع؟؟
هزيت كتفي ..مادري..
زين تذكرين الهدية الدزها مهند بالفندق؟
اي ..

تدرين من رحتي ذبيتي البطل انا لكيت بالبوكس حبوب؟!
بلعت ريك وتذكرت حجاية اسياد..اي صدك حبوب شنو!!
هن ذني الحبوب يشربوهم الولد حتى تزيد قدرتهم يعني تضاعف عدهم
الرغبة..
عزاا..حجيت بشهكة وشركت..
كام يدك ع ظهري ويهفي على وجهي وانا كوة جريت النفس..
رجع كعد وشبع ضحك ..كل مايريد يسكت يضحك اكثر..

تالي جر نفس وحجه..شبيج زين مامتي يمعودة ههههه..هن هيج
مفعولهن بس انا ماراويتهن الج عبالي تعرفيهن..
لعد ليش ضميتهن!..
شمدريني ماشايفتهن ولا تعرفين شغلهن كلت هسه تشوفيهن
وتشكين بيه انوب..لان امبين هو دازهن ورادج تشوفيهن حتى
تشكين بيه وعبالج انا صاحب هالسوالف..

لا حشاك اعرف بيك ماعندك هالاشياء..
شلي بيها وانت عندي..تسكريني بلا مشروب وتدوخيني بلا
حبوب..
ضحكت بخجل وجرني بحضنه وباس راسي..
بقى يلعب بشعري ويسولف وياي وانا بالي راح بالحبوب
وحقارة هالانسان الطلع بطريقي من العدم ويريد يخرب عليه
حياتي..
فكرت بهاللحظة لازم انطي مناضل مجال..مايستاهل
مني كل هالجفاء ..

حجيت وانا مغمضة..مناضل نحاول؟
شال ايده من شعري ورفع حنكي صار وجهه بوجهي..شنو..
يلا خلينا نحاول ..
جرني لحضنه حيل وباسني براسي..وشوية شوية يستنشق
عطري ويتغزل
وتقرب لشفتي ونفس الطريقة الموجعة..
دست ع نفسي وحاولت انسجم بس بدا الخوف يصعد وي
كل خطوة يخطيها..
كمت اعيط بلا وعي وارجف..