كابوس اليقظة

العاشر

مساء الورد

كابوس اليقظة
الجزء العاشر

ميخالف فهميني السبب ليش بسرعة تضايقتي ؟
مناضل انا ماعتقد اكدر اسعدك..يعنيي..يعني ماعرف شلون
افهمك بس اخاف من يقترب مني رجال..
احمم..مهند متعرضلج؟؟؟حجه بنبرة سؤال..
لالا مو هيجي..بس انا شوي يمكن ماخذة فكرة غلط عن الزواج
فأحتاج وقت حتى اتأقلم..

راح تتأقلمين اكيد بس المهم تنطين نفسج فرصة..وانا وياج
ومنتظرج ماراح اضغط عليج حبيبتي ابد..
شكراً هواي مناضل ..
عفواً هواي ام خدود الحلوة ..هسه متفقين باجر اجيج ؟بس بدون
بوس ههههه..
امم تمام هسه انطي رشا خبر حتى مايجي الخط عليه..
يلا اخذي راحتج لعد نامي وارتاحي حتى اجيج من وكت..تصبحين
ع خير..
وانت بخير باي..

خليت الفون بصفي وغمضت عيوني بتعب..تذكرت الباب
مفتوح كمزت قفلته ورجعت..دزيت رسالة لرشا وتلفلفت بالغطا ونمت ..
يوم ثاني كعدت نفس وقتي بدلت وكعدت اتريك بالمطبخ..دخل مهند..
صباااح الخير عروستنا..
صباح الخير..جاوبته بهدوء ورجعت اكل..
راح صبله جاي واجه كعد بالكرسي الكدامي..مد رجله من جوا
الميز طخ رجلي وحجه..شبيج مدنكة مكسورة عينج؟

وخرت رجلي بسرعة وجاوبته..الحمدلله ربي وياي محد
يكدر يكسر عيني..
اممم خوش معلمة تحجين محارب..
ليش انتظر احد يعلمني قابل طفلة!
لا مو طفلة هبلة ههههههه ..صدك تتوقعين ليش تقبل الموضوع
وكمل خطوبته وياج!!؟
كمت وكفت وحطيت عيني بعينه وحجيت..لان رجااال
ويعرف يميز بين الشريفة والقذرة..

طلعت بسرعة من المطبخ ودخلت لغرفتي توني اسد
الباب ودك مناضل..
طلعت من باب الصالة بسرعة قبل لا يلفي وراي ويسويلي
لغوة من الصبح..
فتحت الباب وطلعت لكيت مناضل واكف يم السيارة ينتظرني..
ابتسم وهو يقترب مني..صباح العسل اصولتي..
ابتسمتله بخجل..صباح النور..فتحت الباب وصعدت..

اندار صعد وكعد وهو يلتفت عليه بضحكة..اروح فدوة شلون خدرد
موردة جنها جوري..
عضيت شفتي بخجل ودنكت..
ساق ويهز راسه بضحكة..الله يساعدك يمناضل ..
بقيت ساكتة ماعلقت..شوية ورجع حجه..لازم ناخذ اجازة هالاسبوع
حتى نكمل اجراءات المحكمة..
اوك بس انطيني اليوم بالضبط حتى اقدم ع اجازة..
اليوم اشوف الوضع وارتب اموري وانطيج خبر..وهم عندي
خبر الج..

الله يجيب الاخبار الحلوة..حجيت مبتسمة..
احتمال انتقل يمكم ..
يمنا يمنا؟؟
ايي بمكان نزار..
تحجي صدك؟؟؟حجيت فرحانة..
اي بس ادعيلي تصير الشغلة..حتى ابقى يمج ع طول..
الله كريم ربي يسهلها..

بقى كل شوي يفتح موضوع وانا اجاوب شوي واسكت
شوي بس هو مخليني براحتي..وماحاول يفتح اي موضوع
محرج ولا جاب سيرة موضوع البارحة وهذا الخلاني
ارتاح..
وصلنا لمكان شغلي وراح..وصلت لكيت رشا بعدها ماكو بس
نزار موجود..شلمت وكعدت ارتب الاوراق..شوية وفاتت رشا
سلمت ونظراتها تتحلف بيه..
جاوبته بضحكة مكتومة..تقربت يمي وكرصتني ..انا الج حقيرة
من لكى احبابه نسى اصحابه هااا..