كابوس اليقظة

التاسع

مساء الخير

كابوس اليقظة
الجزء التاسع

انصدمت من حجيه هذا شبي شجاي
يسفط!!ترى عيب عليك مهند شنو بحضنك شنو
هالحجي!!
هااا تنكرين مساع نمتي بحضني وشبكتيني!!؟
منوو نامت بحضنك انت شجااي تحجي؟؟حجيت وكمت
ارجف..
انت الظهر كله نايمة بحضني بس تدرين خرب شلون
جنت غافل ومامدشنج من قبل ..
انت صدك ماتستحييي..الا انزل احجي لبابا كلشييي
اكيد داخل لغرفتي وانا نااايمة..بس مناضل شعرفه
انت كتله مو؟وصدك بيك صدك هالحجي..

وخر ايده واشرلي..يلا نزلي احجي لابوج..شراح
تكليله!!شنو دليلج بلة؟ههه ومناضل مو كتله لا دزيتله
صور ..
لطمت صدري بخوف..صصور!!صور شنو؟؟ولك
انا عرضك انا بت الرجال الربااك..حجيت واختنكت
بدموعي..
ماعندي غير اخت وحدة انت ماتنحسبين عليه..ويلا
روحي احجي لابوج..كليله مهند دز صوري لمناضل
وانا نايمة بحضنه ومشلتحة..

ايي مااسكتلك هالمرة ابدد انت شنو من مخلوق
انت انسان عجييب..
ع كيفج راح تموتين شهالمراجف..بس كليلي بالاول
دليلج شنو؟؟
مو اكووو صخام صور..اخلي مناضل يدزها واشوفها
لبابا اشوفه ثقته بيمن حاطها خل يعرف..
لااا حبابة ماطلعت وجهي بالصور للأسف..وطفيت
الضوا ماخليت المكان يبين هاي غرفتج ..والوضعيات
الحلوة الاخذت بيها الصور مستحيل اذا شافوها
ابوج لو اخوج مايفكرون كبل ذبحح..حجه ويأشر
ع ركبتي..

انهاريت من بعد هالحجي ماكدر اوكف رجليه
ماتشيلني..كعدت بالكاع وارجف وابجي..اجه ثنى ركباته
وكعد قريب مني..تبجين عليمن؟لان محارب باعج بكم
صورة؟
رفعت عيوني بعيونه وباوعتله بنظرة انكسار..لاا اذا باعني
مالومه حقه اكيد وي الصور انت كاتبله هواي حجي مثل
اخلاقك..انا القاهرني واحد مثلك يلمسني ..ويشوف
جسمي..ومناضل رجال غريب وشافني بهيج صورة
مقززة..

مد ايده يريد يلزم خدي دفعتها..وخررر اياااك تلمس
شي مني..واذا عبالك شفت شي مني او لزمت فجنت
مو واعية..وانكتب عليك الحرام مضاعف..
ومو عبالك راح اسكت..لا حق شرفي مااعوفه..
اييي عفية هذا الاريده منج ماتعوفين الموضوع..روحي
احجي وانا اكلهم محارب راسلني ودزلي صور هو
واصايل بالفراش ويهدد يكول اذا ماتنطوني فلوس
صورها تلكوهن بكل المواقع..

ومااخلي اي واحد يتدخل اكلهم انااا احلها..
مو عبالج اخلي اهلج يتدخلوون بالموضوع ويدافعون عنج
لا انا الادافع عنج واخذج وتصيرين مرتي واحافظ
ع شررفج المصون..يلا كومي روحي احجي لبابا
واشكيله لحكي لحكي يلاا..حجه وصفك بيديه وضحك..

بقيت صافنة عليه ومرعوبة من الموقف كله ودموعي
تصب وهو كام وسوالي بيده بااي وغمز..
اباوعله يمشي باريحية ودخل للمشتمل مالته وسد الباب..
ماجنه مسوي مصيبة وهاتك عرض..هسه انا
بشنو افكر وشسوي !مناضل هسه يكول انا وحدة
مو زينة وهسه شاف جسمي ..لو هذا النجس متلمسني
وانا جنت ميتة مو نايمة عساني الياخذني..