كابوس اليقظة

30

السلام عليكم

كابوس اليقظة
الجزء الثلاثون

عاط الكاعد بالصدر..خدرررها بسرررعة..
ولا تطلع كبل ورانا سيارة سيااارة ملاحكتنا اكسر بدل دررربك..
باوعت السايق ارتبك ومن كال سيارة ملاحكتنا عرفت حماية
اسياد اكيد ماكو غيرهم ..
جرني الكاعد يمي عليه باوعتله بخوف هزيت راسي
وهو لزمني من ركبتي
حيل وشممني مدري شنو وخانكني اريد افلت نفسي
منه ماكو..لحد مادخت وغمضت..

مو كلش فقدت اسمع صوتهم خفيف واحس بالسيارة تنشال
وتنركع كد السرعة اليمشي بيها واسمع عياطهم كدرت اميز
بعدها السيارة تلاحكهم..
بس ماكدر افتح عيوني لو اسند نفسي ..ماعرف شكد مر
الوقت بس حسيت بيهم شالوني ونزلوني من السيارة..
فزيت على وجع ظهري لان الجان شايلني ذبني بالارض..

فتحت عيوني بدوخة ولزمت ظهري..باوعتله قفل الباب
وطلع بسرعة..واسمع اصواتهم برا يتناقشون مدري
يتعاركون..باوعت للغرفة الانا بيها امبين بيت وبيت
مرتب لا مهجور ولا ومتروك اصلا امبين جان بي ناس..
تذكرت فوني اكيد طاح بالسيارة واخذو دخيلك ياربي شلون
اخلص عود صرت شاطرة وةلت اخابر منه..

بقيت بمكاني حاضنة نفسي وادعي ياربي تخلصني..
منو ذول وشيريدون مني ..كلشي خطر ع بالي بس انخطف!
ابد مامرت عليه..
بقيت ادعي وراسي كام يأذيني كلش انسطرت كوة اركز..
سمعت صوت ركضة ومصايح..كماال صيح للولد
وتعااالو يلاا تولي عوفها خل نلحك نشرررد..

سمعت صوت المفاتيح وانفتح الباب وواحد دخل
عصبي ويعيط..مااطلع عدنا وكت اوكف خل اخذ اتعابي..
دشوفها هيج قطعة تنعااف حرامات..
اجه الثاني جره من تشيرته ولك رتل كااامل جاي بالطريق
لحكونا واندلووو المكان ..
لا تورطنا يطبك مرررض احنا طالعين يلا نلحك نشرد
اذا لزمونا يمثلون بينا..
باوعله بخوف وطلعو يركضون وقفل الباب..كمت حاولت
افتحه اعت بي ماكو مقفول..

بقيت بمكاني كاعدة وافكر منو جاي بسيارات هواي
وهيجي خافو وشردو!
الله يستر عليه ومايأذوني..بقيت بمكاني واادعي واسبح
بأصابعي..ثلث ساعة وسمعت ضجة قوية واصوات رياجيل..
كمت وكفت ورا الباب وارجف..واسمع عياط اسياد
انتشرووو بالسطححح..قشعر جسمي وغمضت بارتياح..

ارتجيت ع الحايط واالباب احسه تفلش..اسياد يصيح..اصااايل
جاوبينيي...جاوبته برجفة..ايي هنا انا هنا..
راح اكسررر الباب اذا يمه ابتعدي..
مشيت رجعت لورا..واسمع الضربات ع الباب لحد ما
ماانخلع..اجاني بلا وعي يهز براسه وعيونه تتفحص..بيج
شي حاجيني جاوبي ..تقرب راد يلزمني ابتعدت..

هزيت راسي ..مابيه شي الحمدلله محد اذاني..
كعد بالارض وجر نفس ..عاط بصوت عالي..شوووفو شغلكم
لكيت الامانة..
فرك وجهه وصدره ورجع باوعلي..احد اذاج ضربوج
سوولج شي احجيلي؟
للا مالحكو قبل شوية جابوني..بس بس ليش منو ذولا؟
مادري بس راح اصلخهم وهم عدليين..حجه وهز راسه..