Unicode
အပေါ်ထပ်ကနေအောက်ကိုပြန်ဆင်းသည့်တောက်လျှောက်မှာ ခြေလှမ်းတွေမမှားစေဖို့အရေး ဂျယ်ယွန်းဟာသူ့ကိုယ်သူမနည်းထိန်းသိမ်းခဲ့ရသည်။ ထိတ်လန့်နေသည့်စိတ်နှလုံးရဲ့ရိုက်ခတ်မှုကြောင့် ကိုယ်ခန္ဓာငယ်လေးဟာ တုန်ချိနေသည်။ လိမ္မော်ရည်ခွက်ကိုလဲ မမှောက်အောင်ထိန်းကိုင်ခဲ့ရသည်။
လိမ္မော်ရည်ခွက်ကို သင့်တော်သည့်နေရာကိုထားပြီးသည့်နောက်မှာတော့ ဂျယ်ယွန်းဟာဘာကိုစတွေးလို့တွေးရမှန်းမသိ လမ်းတွေပျောက်နေခဲ့ရတယ်။
ဒီဖြစ်အင်မှာ သူ့ကိုယ်သူကလွဲလို့ ဘယ်သူ့ကိုမှအပြစ်မတင်ရဘူးလို့ ဂျယ်ယွန်းဟာစိတ်ထဲအထပ်ထပ်ဆိုနေခဲ့ရသည်။ တကယ်တမ်းကျ သူမှားခဲ့တာမလား။ ဟင့်အင်း။ ဘယ်သူ့ကိုတော့နစ်နာပါစေဆိုပြီး သူရည်ရွယ်နေတာမှမဟုတ်တာ။
မမျှော်လင့်ဘဲ ရမ်းသမ်းချစ်ခဲ့မိတာကအမှားတော့မဟုတ်ဘူးမလား။ သူ့အချစ်ကိုအဆိပ်ဖြစ်စေဖို့ ဘယ်တုန်းကမှ မတွေးတောဖူးဘူး။ အရင်ကတည်းက ကြိတ်ချစ်နေရရင်ကို ပျော်ခဲ့တာလေ။ အခုအဲ့စိတ်ကို ဖြည်းဖြည်းချင်းရုတ်သိမ်းကြည့်လိုက်ရင် အဆင်ပြေသွားမယ်မဟုတ်ဘူးမလား။
ဟုတ်တယ်။ ဘယ်သူမှမသိတဲ့အချစ်တစ်ခုကို ကိုယ့်ဘာသာမျိုချထားရင် ဘယ်သူ့အတွက်မှ ဘေးဖြစ်မှာမဟုတ်တော့ဘူး။
သူ့ကိုယ်သူ နှစ်သိမ့်လိုက်၊တွန်းအားပေးလိုက်ဖြင့် ဂျယ်ယွန်းမှာ အဇ္ဇုတ္တတိုက်ပွဲဖြစ်လို့နေရတယ်။ ဝမ်းလဲဝမ်းနည်းတယ်။ အပြစ်ဖြစ်မှာကို ကြောက်လဲကြောက်တယ်။ စိတ်ထဲဆို့နင့်နေတာဘဲ။ ဘယ်လောက်မှသက်တမ်းမရှိသေးတဲ့အချစ်တစ်ခုက လူကိုဒီလောက်ဆွေးမြည့်စေရသလား။
ချစ်သူရှိနေသည့်အကြောင်း သူ့ကိုမပြောသည့်ဆောင်းဟွန်းကို အရင်စိတ်နဲ့သာဆို စိတ်ကွက်မိမှာဆိုပေမယ့် အစ်ကိုဟီဆွန်းနဲ့ပတ်သတ်ပြီးခံစားရတဲ့စိတ်က ပိုဆိုးနေတာကြောင့် ကိုယ့်ကိုယ်ကိုယ်အပြစ်တင်စိတ်တွေသာ ပိုလို့နေသည်။