Unicode
"ကျောင်းမသွားချင်ဘူးလို့။"
"ကျောင်းမသွားရအောင် နေမကောင်းဖြစ်တာကသားမှမဟုတ်တာ။ ဂျယ်ယွန်းလေ။ ဂျယ်ယွန်းနေပြန်ကောင်းတဲ့အခါကျ စာတွေပြန်ကူးဖို့ဆိုသားကကျောင်းသွားရမယ်လေ။"
"မသွားဘူး။ ဂျယ်ယွန်းမပါဘဲ ကျောင်းမသွားချင်ဘူး။ ဂျယ်ယွန်းကအခုဆိုအိပ်ရာထဲလဲလို့နေရမှာ။ သူ့ကိုအဲ့လိုလှဲခိုင်းထားပြီး ကျောင်းကိုမသွားချင်ဘူး။"
ဆယ်နှစ်အရွယ်ကောင်လေးသေးသေးလေးဟာ အမေလုပ်သူနဲ့ အတိုက်အခံတွေပြောလို့နေတယ်။ ကိစ္စလေးက သေးသေးလေးပေမယ့် ထိုကလေးလေးကတော့ ကိစ္စကြီးတစ်ရပ်လိုဇာချဲ့ပြောနေခဲ့တယ်။ တကယ်တမ်းကျ သူ့အတွက်ဂျယ်ယွန်းနေမကောင်းဖြစ်တယ်ဆိုတာက သိပ်ကိုကြီးမားတဲ့ကိစ္စဖြစ်သည်။
"တစ်ရက်တလေ မသွားချင်လဲမသွားပါလေ့စေနဲ့ပေါ့။ ဂျယ်ယွန်းနဲ့သူနဲ့က ကော်ကပ်ထားသလိုဖြစ်နေတာ မင်းမသိဘူးလား။"
ကျောင်းဝတ်စုံတောင်အဝတ်မခံဘဲ နံရံမှာကပ်နေတဲ့ ဆယ်နှစ်အရွယ်ဆောင်းဟွန်းနဲ့ သားလုပ်သူကိုချော့ပြောနေရတဲ့ဆောင်းဟွန်းအမေတို့အကြားကို အဖေလုပ်သူကဖျန်ဖြေပြောသည်။ အဖေကသူ့ဘက်ပါတော့ ဆောင်းဟွန်းမှာတစ်မဲသာသွားသည်။
"ဂျယ်ယွန်းနေပြန်ကောင်းရင်ကျ နှစ်ယောက်အတူစာတွေကူးနေရတာထက်စာရင် သားကစာအကုန်ပြီးနေတော့ ဂျယ်ယွန်းအတွက်စာပိုကူးပေးလို့ရတယ်လေ။ အဲ့ဒါကပိုမကောင်းဘူးလား။"
အဖေကခဏဘဲဝင်ပါပြီးပြန်ထွက်သွားတာကြောင့် အမေသည်မလျှော့ဘဲ ထပ်ပြောသည်။ ဒီတစ်ခေါက်တော့ဆောင်းဟွန်းတွေဝေသွားသည်။ အမေပြောတာကလဲဟုတ်သည်။
"ဒီလိုလုပ်မလား။ ဒီနေ့ကျောင်းကပြန်ရင် ဂျယ်ယွန်းဆီအမေလိုက်ပို့ပေးမယ်လေ။ သူနေပြန်မကောင်းသေးတောင် သားကစာကူးပေးခဲ့လို့ရတာဘဲ။ ကျောင်းမသွားဘဲ အိမ်မှာတစ်နေ့လုံးနေမလား။ ကျောင်းသွားပြီးမှဂျယ်ယွန်းတို့ဆီလိုက်ပို့တာကိုခံမလား။ သားကြိုက်ရာရွေးလို့ရတယ်နော်။"
