يا ملاذ الروح أنا فيك ابتليت🤍

البارت الثامن :

فـي يوم جديد وناس جديدة وحياة مختلفة وايضاً جديدة ~>>كم مره قلت جديده😂😂..
.
.
كان جالس في جناحه الخاص وعلى مكتبه اللي ينطق بالفخامه ، هالرجال هذا كل شيء ينطق فيه فخامه وغرور مايحب إي شيء ولايرضيه إي شيء ودائما يدور على الأشياء اللي محد يقدر يجيبها او اللي تكون شيء فريد ..
كان جالس وفكره توديه وفكره تجيبه صار له يومين وماكلم صاحبه ويحس في شيء ناقص في حياته ! ماهو متعود مايطلع معاه ولا يتلاقون ! مهما كان مشغول مستحيل ما يتلاقون في مكان ما وكل واحد يقول الا في خاطره !
.
.
قطع عليه تفكير صوت طرق الباب : نعم !!

الصوت الناعم من برا الباب : عماد عادي ادخل !

عماد وهو يسمع ثاني اكثر صوت يخليه مبسوط وينسى كل هموم
الدنيا : اكيد تقدرين تدخلين يا بعد الدنيا انتي!

دخلت وهي مستحيه وفي يدها حلويات وشكولاته راحت له بسرعه وجلست في حضنه : اي ! وش عندك يا احلى ورده في هالدنيا كلها

ورده ضحكت ضحكة الاطفال اللي تاخذ عقل كل احد: ماما ميمي تقولك تعال تغداء

عماد وهو يبوسها في خدها : طيب يلا خلي الحلويات هنا ونروح نتغداء مع بعض

هزت برأسها وتركت اغراضها على الطاوله وهو حملها ونزل تحت وهم يشوفوهم جالسين حول طاولة الطعام الكبيره..

سلم على امه وابوه وجلس في الكرسي المقابل لابوه والمخصص له بس وبدأ ياكلون بهدوء ..

قطعت عليهم بصوتها الانثوي الشجي وبدلع : بابا عادي اليوم اروح بيت صديقتي ؟

ابوها بدون مايرفع رأسه : لا اليوم لاحد يطلع من البيت !

هي بنرفزه: ليهه يعني !! صار لي شهر وانا ودي اروح بيتهم وكل لا لا لا تعبت !!

عماد وهو يضرب الطاوله بغضب: عببببيير!! ماسمعتي ابوي وش يقول لك !! وبعدين وش عدم الإحترام هذا !!

عبير وقفت بقهر من حالهم وبدون إحساس قالت : لو فهد للحين عايش مارفض لي طلب !!

من بعد كلامها الكل سكت لثواني وتدريجيا قاموا من الطاوله وامهم اللي نزلت دموعها بعد ماسمعت اسمه وقلبها يتقطع قطع قطعه على ولدها !

قرب منها عماد وبهمس قاسي : عجبك الحين اللي سويته يا عبير مستحيل تخلين الواحد يجلس مرتاح !
.
.
عبير وهي الدموع متجمعه في عيونها راحت تركض لغرفتها وهي ماكان ودها تقول هالكلام ويصير هذا كله ، وخصوصاً انها فاقدة فهد ولا احد داري عنها .. كل شخص في البيت مشغول عنها بشي معين وامها ماعادت نفس قبل من بعد موت اخوها وهي حابسه نفسها عن العالم والناس ..
فتحت درج الطاوله اللي جنب سريرها وطلعت اخر صوره تصورت فيها مع فهد وهي تذكر كلامه ومره تضحك ومره تبكي .. سمعت صوت باب غرفتها ينفتح وشافت اختها اللي قربت منهاا ضمتها وهي تبكي ..
.
.
وجدان *اختها*:بس بس ياعمري انتي خلاص والله حرام اللي تسوينه انتي وامي ! ادعوا لها هو محتاج دعائكم اكثر من هذا كله !!