"في بيت ام جاسم"
اللي انتهت العزيمة بس انتهت بشكل سيء جدا كل وحده من الحضور تسأل عن ملاذ يبون يشوفونها بس كان يجاملونهم بجمله وحده بس والا هي "تعبت فجأة"
لين ماراحت اخر ضيفة من الحضور وبعدها في بلغت راشد بكل اللي صار معاهم
...
راشد بعصبية وهو يكلم في بالجوال: ليه ماقلتوا من أول طيب ؟؟
في بهدوء: لان الوضع ماكان يستدعي العصبية زيادة وبعدين ياريت تتفاهم مع ملاذ بهدوء أكيد هي الحين مقهوره و زعلانه لان احنا من البداية مفروض نقول لها !
راشد وهو العصبية مسيطره عليه ومو عارف وش يقول :الموضوع هذا انتهى وانتهى بشكل نهائي ماله داعي احد يفتحه !
في : فهم هالكلام للملاذ مو لنا !
راشد :انا جاي الحين ياريت ما اشوف احد قدامي !
في عطته امها خبر والبنات إلا وحده بقت معاهم ولا تحركت من مكانها
أم جاسم بعصبية: راضية عن زوجة اخوك يا وعد فشلتني بين الناس والاهل !! ماغير اتصدد عنهم بس لا يسئلوني عنها وين راحت هي !
وعد بهدوء وهي منحرجه من تصرف ملاذ: معاك حق ياخاله وحقك على رأسي من فوق بس البنت تعبت شوي ولاهي كان ودها توجب الناس وتجلس معاهم
أم جاسم بسخرية: الظاهر بنت العز والدلال احنا مو بقامها المفروض نفرش لها الأرض ورد
كلها لحظات دخل راشد وهو مايشوف ولا يسمع احد ابدا متجاهل كل شخص في ذي اللحظة
راشد بحدة:في وينها ملاذ ؟؟
في راحت معاه وهي تاشر على غرفة زهرة
راشد بهدوء طق الباب: ملاذ افتحي الباب
ملاذ كانت جالسة في الغرفة وكل ما تسمع صوته تنزل دموعها: روح مابفتح شيء
راشد بحدة: افتحي الباب يا ملاذ احنا مو في بيتنا افتحيه لا اكسره على رأسك !
في بتوتر: خالي شفيك !!
راشد : في تكفين روحي مابي ازعلك ..وانتي يا ملاذ افتحي الباب !
فتحت الباب وهي ماودها تفتحه من الاساس وفي نفس الوقت ماودها احد يتشمت عليها ناظرته وكان واضح عليه إن هو معصب و وجهه احمر من العصبية
ملاذ وكانت في نفس الوضع وخشمها احمر من كثر البكى وكحلها سايل كانت في وضع لاتحسد عليه تكلمت بصوت مبحوح: نعمم وش تببي!!
راشد مارد عليها تلفت يدور في وشافها واقفه بعيد شوي وقال بصوت شبه عالي : في جيبي عباية ملاذ واغراضها
راحت في تركض تجيبهم وهي متوتره وفي نفس الوقت قلبها معورها على ملاذ
ملاذ وهي تشوفه ماسكها من يدها قالت بسخرية : لاتخاف ماراح اهرب مكان !
راشد قرب منها وبهمس: ولا عمرك تفكرين بتروحين مكان ثاني مكانك معاي وبس ..وغير كذا اتوقع عطيتك الوقت الكفاية اللي تفكرين فيه وترتاحين فيه بعد الحين جاء الوقت الا تعيشين في بيت زوجك يا مدام
ملاذ بعصبية: ومن قال إني بستمر معاك ورقة طلاقي توصلني لو سمحت ويا دار مادخلك شر
راشد بعصبية: فييييي وييننك !!!!
في جأت وهي تركض واعطت ملاذ العباية اللي اخذتها ولبستها بقهر منه
طلعت معاه للصاله وهي تشوف الكل يناظرهم واللي مادرت عنه إن صوتها كان واضح للكل وكل شيء سمعوه وانقهرت أكثر هالمرة
ام جاسم بسخرية: من متى الزوجة ترفع صوتها على زوجها لهدرجة وقدام الناس ياراشد!
راشد بهدوء: ياخالة الله يخليك اطلعي منها انا وزوجتي نحل مشاكلنا مع بعض
ام جاسم بهدوء: ماعاد في رجال في هالزمن!!
راشد بعصبية صرخ صرخه سكتت الكل : خالهه!!!
ام جاسم : حسافه التربيه ياراشد ضاع التعب فيك حتى انا ماحشمتني ولا حشمت عمري حرمه كبيره جالس تطول صوتك علي !!
راشد اخذ نفس وراح يقبل رأسها ويعتذر منها وبعدها: يلا ملاذ
وقبل لاتطلع سمعت الصوت اللي تكرهه و ودها تروح وتحط كل قهرها وحرتها فيها
زهرة ببتسامة : ملاذ ياقلبي مرة ثانية ياحبيبتي انتبهي مايصير تتمشين وسط البيت بدون عباية وانتي عارفه البيت فيه رجال!!
طلع راشد بعد كلمتها وهو يسحب ملاذ ويركبها السيارة بعدها ركب وهو الف شيطان في رأسه ضرب الدركسون بيده بقوه وهو يناظرهاا
راشد وبهمس حاد: شقصدها زهرة !!
ملاذ بعناد: مادري روح واسالها يمكن تقولك
راشد : جاوبيني انتي شقصدهااا من شاافك !!!
ملاذ سكتت ولا كأنها تسمعه : رجعني بيتنا لاني قرفت من الوضع إلا انا فيه
راشد ببتسامة: حاضر من عيوني
سكتوا وكل واحد في داخله كمية هائله من العصبية والزعل ..ملاذ اللي ماودها تجلس معاه ولا دقيقه وحده حتى و راشد اللي كان وده يرجع بيت خالته ويوقف كل احد عند حده ...
......
أنت تقرأ
يا ملاذ الروح أنا فيك ابتليت🤍
Randomمقدمة ... روايتي ؛يـا مـلـاذ الـروح أنـا فـيـك ابـتـلـيـت 🤍 تتحدث الرواية عن التضحيات المقدمة من العائلة بشكل عام لإنقاذ وحدة العائلة . سواء كانت التضحية من الوالدين او الابناء ... فهناك بطلة روايتي ملاذ البنت الذكية التي سوف تتغير حياتها كلياً بعد...
