လရောင်နဲ့အတူပွင့်လန်းတဲ့ ပန်းခင်းကြီးအလယ်၌ ကလေးငယ်လေးဟာ အနက်ရောင်အမွေးပွခွေးလေးတစ်ကောင်ကိုပွေ့လျှက်ထိုင်နေသည် ။ လရောင်ကြောင့် ပန်းလေးတွေက လန်းဆန်းနေပြီး ရနံ့သင်းနေပေမဲ့ ကုမုဒြာလေးဟာ မပျော်ရွှင်ပေ ။ သူ့လက်ထဲမှာငြိမ်သက်စွာလဲလျှောင်းနေတဲ့ ခွေးလေးအားကြည့်ကာ ငေးမှိုင်နေသည် ။
အစေခံတွေက မုဒြာလေးလက်ထဲကခွေးလေးကို ခေါ်ယူချင်ပေမဲ့သခင်လေးငိုမည်ဆိုးကာ ရပ်ကြည့်ယုံသာတတ်နိုင်တော့သည် ။ ထိုစဉ် လူလတ်ပိုင်းအရွယ် ဦးလေးမြတ်က သခင်လေးထံချဉ်းကပ်သွားပြီး ချော့မြူလေတော့သည် ။
" သခင်လေးကုမုဒြာ … လုံးလုံးလေးက အိပ်ပျော်နေပြီဆိုတော့ ကျွန်တော့ကိုခေါ်သွားခွင့်ပြုပါ "
" ဟင့်အင် … လုံးလုံးကသားဆီကနေပြေးထွက်သွားလိမ့်မယ် "
" လုံးလုံးလေးက အိပ်ပျော်နေပြီပဲ … သူမပြေးနိုင်ပါဘူးသခင်လေး "
ထိုအခါမှ အမွေးပွခွေးလေးကို မုဒြာ ဦးလေးမြတ်ထံပေးလိုက်သည် ။ ဒီခွေးလေးက မုဒြာလေး ၇ နှစ်ပြည့်သည့်နှစ်၌ ကုမုဒြာလေးရဲ့အမေ သခင်မနန်းမြတ်ကုဌေ ကိုယ်တိုင်ပေးခဲ့သည့်လက်ဆောင်လေးဖြစ်သည် ။
အဲ့ဒိနောက် သခင်မလေးဆုံးပါးသွားပြီး မုဒြာလေးဟာ ခွေးလေးကို မိခင်အဖြစ်အဖော်ပြုရင်းနေလာခဲ့သည် ။ ခုလုံးလုံးလေး ၂ နှစ်ပြည့်သည့်အချိန်၌ နာမကျန်းဖြစ်ကာဆုံးပါးသွားသည် ။
မုဒြာလေးက ဒါကိုမသိရှာပဲ လုံးလုံးရဲ့အလောင်းကို ပွေ့လျှက် နိုးထလာမည့်အချိန်ကိုစောင့်နေရှာသည် ။ သူချစ်ရတဲ့သူတွေနဲ့ ခွဲခွာရတဲ့ခံစားချက်က မုဒြာလို ငယ်ရွယ်သည့်သခင်လေးအတွက် အလွန်နာကျင်စရာကောင်းလှသည် ။
ဦးလေးမြတ်က ခွေးရဲ့အလောင်းကို အစောင့်တစ်ယောက်ထံပေးလိုက်ပြီး အမိန့်ပေးလိုက်သည် ။
" လုံးလုံးကို သခင်လေးမမြင်အောင် မြေမြှုတ်လိုက် "
ထိုညက ကုမုဒြာလေးဟာ သူချစ်တဲ့ခွေးလေးမပါပဲ အထီးကျန်စွာ အိပ်ဆက်ခဲ့ရပြီး နောက်တစ်နေ့၌ လုံးလုံးကိုရှာလေတော့သည် ။ လုံးလုံးလေးသေသွားပြီလို့ပြောလျှင် သခင်လေး နာကျင်သွားမည်ဆိုး၍ ထွက်ပြေးသွားပြီဟု အားလုံးကလိမ်ညာခဲ့ကြသည် ။ မုဒြာလေးက လုံးလုံးလေးပြန်လာမည်အထင်နှင့် စောင့်မျှော်နေရှာသည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
