ညနေပိုင်းရောက်တော့ C မြို့က VIP အထူးဧည့်သည်တော်များ ရောက်ရှိလာကြသည် ။ သူတို့က အရာရှိကျန်းနဲ့ ရှန်ဟွှာရဲ့လက်ရှိဥက္ကဌမင်းယွီတို့ဖြစ်ကြသည် ။ သတင်းထောက်တွေမသိအောင် တိတ်တဆိတ်လာရတာမို့ ဧကရာဇ်မောင်ရဲ့နယ်မြေသို့ ဖိတ်ခေါ်ထားခြင်းဖြစ်သည် ။
VIP အခန်းထဲမှာ စားစရာမျိုးစုံနဲ့ရမကာတွေ တစ်ခန်းတစ်နားပြင်ဆင်ထားပြီး ပန်းတွေကိုပါအလှဆင်ထားသည် ။ မသိလျှင် ဘုရင်မင်းမြတ်ကြွချီလာသလိုပင်ခန်းနားထည်ဝါလွန်းသည် ။ ဥက္ကဌမင်းယွီကအပြင်အဆင်တွေကိုကြည့်ပြီး အရမ်းကိုနှစ်သက်မိကာ သူမတွေ့မြင်ဖူးသည့် ပန်းတွေကို စိတ်ဝင်တစ်စားကြည့်နေသည် ။ အရာရှိကျန်းကတော့ တည်ငြိမ်ကာ မင်းယွီအနောက်ကနေလိုက်ပြီး ကလေးထိန်းတစ်ယောက်လို ထိန်းနေရသည် ။
" မင်းယွီ ရှောက်မဆော့နေနဲ့ … ငါတို့ကတိပေးထားတယ်လေ "
" အကိုရှုယွမ်ကလဲ … ကျွန်တော်လွတ်လွတ်လပ်လပ်နေချင်လို့ လိုက်လာခဲ့တာကို … မချုပ်ချယ်ပဲနေလို့မရဘူးလား "
" အဲ့လိုဆိုရင်တောင် ငါတို့အရင်ဆုံး မိတ်ဆက်ရမယ်လေ "
ထိုအခါမှ ထိုလှပသည့်သခင်လေးဟာ ကျောက်ရုပ်လိုရပ်နေကြသည့် ဧကရာဇ်မောင်တို့ဘက်လှည့်လာပြီး ပြုံးပြလာသည် ။ သူ့ကြည့်ရတာ အပျော်ခရီးထွက်လာသလို အလွန်ရွှင်မြူးနေသည် ။
ဇွဲကအရှေ့သို့ထွက်လာပြီး အရာရှိကျန်းကို လက်ဆွဲနှုတ်ဆက်လိုက်သည် ။
" မင်္ဂလာပါအရာရှိကျန်း … ကျွန်တော်က အရာရှိခင်ရဲ့သား ဇွဲပါ "
" မင်္ဂလာပါဇွဲ … ကိုယ်ကကျန်းရှုယွမ် "
အရာရှိကျန်းက အဆင့်မြင့်အယ်ဖာတစ်ယောက်ဖြစ်သလို အသက်ငယ်ငယ်ရွယ်ရွယ်နဲ့ ထက်မြတ်ပြီးထူးချွန်သည့်ခေါင်းဆောင်တစ်ယောက်ဖြစ်ကာ ရုပ်ရည်ကချောမောပြီး ခန့်ညားသည့်အထဲမှာပါသည် ။ သို့ပေမဲ့ သူဟာအိမ်ထောင်ဖက်မရှာပဲ အလုပ်အပေါ်ကိုသာစိတ်နှစ်ထားကာ သူ့ရဲ့အချိန်တွေက ရာဇဝတ်သားတွေကိုဖမ်းဆီးရင်းနှင့်သာ ကုန်ဆုံးလေ့ရှိသည် ။
" ကိုယ်မင်းအကြောင်းကြားထားပါတယ် … အရာရှိခင်ရော သက်သာရဲ့လား "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...