ရှန်ဖန်းဂူ M နိုင်ငံကိုရောက်ရှိလာတဲ့သတင်းက တောမီးလိုတစ်စတစ်စပြန့်နှံ့လာပြီး သတင်းတွေထဲထိပါလာသည် ။ လူတွေကလဲ ထင်ကျေးအမျိုးမျိုးပေးလာကြသည် ။ နိုင်ငံရေးသမားတွေက သူတို့ကိုအကြောင်းမကြားပဲရောက်ရှိလာခြင်းကြောင့် မြေအောက်လောကနဲ့ပတ်သပ်ပြီး ပဋိပက္ခတစ်စုံတစ်ရာဖြစ်ပေါ်၍များလားဟုထင်မိကြကာ ကြောက်လန့်နေကြသည် ။ ရှန်ဖန်းဂူလိုလူမျိုးနဲ့သွားရှုတ်မိလျှင် ထိခိုက်မှာက ဒီလိုနိုင်ငံငယ်လေးသာဖြစ်လိမ့်မည် ။
စီးပွားရေးသမားတွေကတော့ ရှန်ဟွှာက ဒီလိုနိုင်ငံငယ်လေးမှာ စီးပွားရေးအခြေချဖို့ လာရောက်သည်ဟုထင်ကြေးပေးကြပြီး မိမိအကျိုးအမြတ်ရဖို့ အင်အားကြီးတဲ့အဖွဲ့အစည်းနဲ့ဆက်သွယ်နိုင်ဖို့ ကြိုးစားကြသည် ။ သို့ပေမဲ့ မုဒြာတို့ရဲ့အိမ်တော်မှာရောက်ရှိနေတာကိုတော့ သတင်းထောက်တွေအပါအဝင် ဘယ်သူမှမသိကြပေ ။ ရှန်ဖန်းဂူကလဲ သူ့လူတွေနဲ့ ကာကွယ်ထားတာကြောင့် သူတို့ရဲ့တည်နေရာကို ဘယ်သူမှရှာမတွေ့ကြပေ ။
သတင်းတွေထဲထိပါလာတာမြင်တော့ မင်းယွီက ဖန်းဂူကိုကြည့်ကာ ဆိုလိုက်သည် ။" ကြည့် ခုတော့အားလုံးသိကုန်ပြီ … ဘယ်သူမှသတိမထားမိအောင်ခိုးချောင်ခိုးဝှက်လာပါတယ်ဆို ခုတော့အားလုံးကိုကြေငြာလိုက်သလိုဖြစ်သွားပြီ "
ဖန်းဂူက ဘာမှဂရုမစိုက်သည့်ဟန်ဖြင့် သူ့ပေါင်ပေါ်တင်ထားတဲ့ မင်းယွီခြေထောက်တွေကို နှိပ်နယ်ပေးနေရင်း …
" ဘာဂရုစိုက်စရာလိုလို့လဲ … ကိုယ်ရှိနေသ၍ မင်းကိုဘယ်သူမှမထိခိုက်စေရဘူး … မင်းသွားချင်တဲ့ ကမ္ဘာရဲ့ဘယ်နေရာမဆို ကိုယ်လိုက်ပို့နိုင်တယ် … ဒါမှမဟုတ် လကမ္ဘာဆီသွားမလား ကြယ်တွေကိုလိုချင်လား ကိုယ်အကုန်လုပ်ပေးမယ် "
" အပိုတွေ "
ဖန်းဂူက မင်းယွီရဲ့ကိုယ်လေးကို သူ့ရင်ခွင်ထဲဆွဲပွေ့လိုက်ပြီး အီစီကလီလုပ်ကာ ချစ်ကြည်နူးတစ်တီတူးနေသည် ။ အနားမှာရှိနေတဲ့ရှုယွမ်ကိုပင် ဂရုမစိုက်တော့ပေ ။
" အဟမ်း … မင်းတို့ငါနဲ့ဝေးဝေးမှာ သွားပြီးချစ်ကြည်နူးလို့မရဘူးလား … ငါအလုပ်ကို အာရုံစိုက်ဖို့လိုတယ် "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...