" ဥက္ကဌ ဧကရာဇ်မောင်က ကံကောင်းတယ်ဗျာ … ချောမောလှပတဲ့အိုမီဂါလေးကိုပိုင်ဆိုင်ထားတဲ့အပြင် ထက်မြတ်တဲ့ အတွင်းရေးမှူးကလဲအနားမှာရှိနေတယ် … ဒီလောက်ပြီးပြည့်စုံမှုက ဘယ်မှာရှိနိုင်တော့မလဲ … အဟား "
" အဲ့လောက်လဲမဟုတ်ပါဘူးဗျာ "
လုပ်ငန်းရှင်ကြီးတွေက ဧကရာဇ်ကိုကံကောင်းသည်ဟု တတွတ်တွတ်ပြောနေပေမဲ့ ဧကရာဇ်မောင်ဟာ တည်ငြိမ်စွာပင်ပြန်ဖြေနေခဲ့သည် ။ ထိုစဉ် သူဌေးကြီးတစ်ဦးက ဧကရာဇ်မောင်အားမေးလာသည် ။
" ဥက္ကဌဧကရာဇ်မောင်က Dominant Alpha တစ်ယောက်လို့ပြောကြပေမဲ့ ခုချိန်ထိမျိုးဆက်မထွန်းကားသေးတာအံ့ဩစရာပဲ … ပြဿနာတစ်ခုခုရှိလို့လား … ဒါမှမဟုတ် မယူချင်သေးတာလား "
ထိုလူကသဘောရိုးဖြင့်မေးပေမဲ့ ဧကရာဇ်မောင်စိတ်ထဲမှာတော့အနှိမ်ခံလိုက်ရသလိုပင် ။ အားကြီးတဲ့ Dominant Alpha တွေက ရိုးရိုး Alpha တွေထက်အားကောင်းကာ ကလေးထွန်းကာဖို့ပိုလွယ်ကူသည် ။ ဧကရာဇ်မောင်ဟာ ရှားပါတဲ့ Dominant Alpha ဖြစ်ပေမဲ့ ခုထိ ကုမုဒြာကို ကိုယ်ဝန်ရအောင်မစွမ်းဆောင်နိုင်သေးပေ ။
အကြောင်းကတော့ ကုမုဒြာကိုအမှတ်အသားပေးလိုက်တဲ့မိတ်ဖက်ကသူမဟုတ်ပဲ သူကအစားထိုးခံသပ်သပ်ဖြစ်နေခြင်းကြောင့် သူဘယ်လောက်အားကြီးနေပါစေ ကလေးမရနိုင်တာလို့ထင်သည် ။ အယ်ဖာနဲ့အိုမိဂါက စစ်မှန်တဲ့မိတ်ဖက်နဲ့မှသာ ကလေးထွန်းကားနိုင်ကြသည် ။ သူတို့ရဲ့ဖယ်ရိုမုန်းကိုက်ညီမှုဘယ်လောက်ရှိလဲတောင် ဧကရာဇ်မောင်မသိပေ ။ ထိုလူရဲ့မေးခွန်းအား ဧကရာဇ်မောင်ဖြေရခက်နေစဉ် အဖိုးကသူ့အနားရောက်လာခဲ့သည် ။
" ငါ့မြေလေးက မကြာခင်ပဲ ကလေးယူတော့မှာ … ဘာလို့မေးတာလဲ … ကလေးမရနိုင်ဘူးထင်လို့လား "
ဥက္ကဌကြီးက လူတိုင်းရိုသေကြောက်ရွံ့ရသည့်လူမျိုးဖြစ်သလို စကားကိုကွေ့ဝိုက်မပြောပဲ ဒဲ့ပြောတတ်သူမို့ မေးလိုက်သည့်သူမှာ အရှက်ရသွားသည် ။ သူက ကုမိသားစုကိုကဲ့ရဲ့ရလောက်အောင်ထိ အင်အားကြီးသူမဟုတ်သလို ဥက္ကဌကြီးသာစိတ်ကွက်လျှင် သူ့မိသားစုအားလုံးဒုက္ခရောက်နိုင်သည် ။ ထိုလူကမျက်နှာပျက်သွားကာ ချက်ချင်းတောင်းပန်လေတော့သည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
