❝ THE EXCHANGE ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Monday. . .
Me did ago so late fi school. Usually, me wud catch a taxi and save a spot for Chezzy. But due to how Steer Town taxi driver dem sometimeish bad, there are days when getting drive a the hardest thing. Whenever this happen, me and Chezzy have a backup plan: if mi nuh come within thirty minutes, she free fi leff me if nuh taxi driver nuh waa mek a detour come a Steer Town fi me.
That thirty minutes a did waa hour ago.
Mi sigh and watch as the morning wake up. The Square did full up a schoolaz and big people. If waa taxi did fi stop a wi foot right now, it will be a fight fi see who can get in first.
"Look like e taxi dem gone pon strike," Mark seh from side a me. Him a waa fifth form Iona High student. Him put one a him foot dem pon e wall and start brush him Clarks like the typical schoolboy. "Right now a my yaad me bout fi tun back."
"Hush yu mouth," mi tell him. "Yu know yu madda wi fist yu dung."
Him laugh it off and stand up straight fi pree the strange car weh stop nearby.
The inquisitive eyes around we peer pon the car too, wondering who a did the driver of this criss, white, four door AMG coupe. The driver bring the window down. Ignoring the obvious gawks a everybody including miself ya, the driver gaze focus pon me.
Mi a see things or a Favio dat?
Mi lock mi mouth when him call me wid him head.
Of course, mi neva hasty fi jump ina car wid him. Especially when Trav nuh around. But. . . mi did ago so late fi school if mi turn down this drive. Weighing mi options, mi decide fi go wid him. Mi a choose fi trust seh him won't kill me off and if he does then at least people see him so police know who fi look fa.
Walking to the vehicle, Mark halt me. "Chichi!" Mi look pon him, him gi mi a look weh seh mi fi beg a ride fi him too.
Favio bring back up the darkly tinted window widout hesitation, silently denying the question mi did ago ask.
Murr. Mi apologize to Mark and go ina such man car. Soon as me siddung across from him, him drive off.
"Good morning. Thanks." I say and he nods. Mi clear mi throat and sit up ina the seat. Widening my legs, mi drop the schoolbag between it. Favio briefly tek him eye offa the road fi look where mi uniform skirt ride up. "Think we did ago stop meet like this?" mi try mek conversation.
With one hand on the wheel, him rest him other elbow on the window sill wid a finger above him top lip. "Where would you like to meet?"
"Mi nuh know yu like that fi meet yu anywhere."
"Yet you're in my car. . ."
Mi shake mi head with a small smile. "Fair. Why yu stop fi me?"
"Cause me see yu."
Ah, so the stoic Favio has a sense of humor. . .
Mi playfully roll mi eyes. "Yu girlfriend must sick a yu."
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
