The Crossfire | Revised | Sample

i | 29 | the j e a l o u s y

❝ THE JEALOUSY ❞
───── ⋆⋅🌹⋅⋆ ─────

───── ⋆⋅Chayanne⋅⋆ ─────

|| Friday. . .

Tonight a Asia nine night. Miss Cherry a keep it at eight o'clock and want it done by eleven.

Me ago end up reach after eight cause mi nuh waa go anymore. Her nine night mean seh e funeral deh extremely too near. Saturday. . . I'll have to see Asia's lifeless body. . . in a casket. . . with a preacher saying, 'Ashes to ashes, dust to dust.'. . . and wish farewell to young, young Asia.

Mi hang up Chezzy call, she call fi ask if mi want her company at the nine night and mi tell her no.

Though she and Asia a neva friend, Chezzy feel saddened by Asia death same way. She even ask mi how Trav a cope and I wish I had an answer to give her.

Mi really cya wait until Favi gets Trav outta jail. Mi ago cuss out him baxide and tell him fi go follow Favi footstep and do sum sensible wid him life.

I can't imagine burying Trav. He's not my blood brother but it feels like it. If I ever lose Trav me wuda lose miself too. We've been there for each other through everything and I wish I could be with him now. Mi miss him so much. . .

Sighing, mi look round mi room a mek sure mi naa leave nun. While doing this, mi eye dem spot the bedsheet dem weh mi did strip from mi bed, roll up, and fling ina waa corner. Seeing the sheet dem mek a wave of last night's flashbacks hit me. Mi did really surprised seh Mama neva wake up or hear when Favio did a leave ina the morning either.

Making waa mental note fi wash dem tomorrow, mi give the messy sheets waa final look before me close mi room door behind me.

"Yu leaving now, child?" Mama peek out her head from her room to ask.

Mi nod.

"Send mi best wishes to Cherry," she watch me walk to the front door. "Wish me cuda mek it but the old legs nuh hawty at all."

Mi nod again. "I will, Mama. Goodnight."

She give me a smile, tell mi goodnight ina Hindi then lock her door.

Mi leave out and start mi journey. Mi reach a Miss Cherry house by 8:30.

The likkle yaad lively bad. The loud sound a dead yard music a come from somewhere. People a eat or drink while dem mix and mingle. Some likkle bad breed pickney a run bout the place like seh dem nuh realize e type a setting weh dem ina. The strong scent a manish wata a come from somewhere and a mek mi mouth run water.

Me push miself through the crowd a people, hoping to find Miss Cherry somewhere ina the bundle. Eventually, mi find ar ina the crowded kitchen a tek out two big bottle a Sprite from outta the fridge.

"Goodnight, Miss Cherry," mi tek one a the Sprite dem from outta ar hand and place it pon the counter.

"Howdy, Chichi," she give a small smile.

"Yu need help with anything?"

She shake ar head. "No, thanks. Memba mi family from Hanover deh ya a help me. But if yu can carry dem juice ya to the outside table fi mi-"

Mi nod and do wa she seh. Pushing me way back through the crowd a people, mi find the table weh shi refer to. The table stacksd with various condiments weh people snatch as dem walk by.