❝ THE RESTLESS ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Monday. . .
Mi nuh get a drop of sleep last night. Waa annoying mosquito deh a mi ears just a neh neh and me cudn swat it nuh matter how me try. Then fi mek matters worse, me get too easily used to the feel of Favio's arms around me while I fall asleep and pulling me to him during the night. Now, me body a feel the absence.
A round two ina the morning mi medz how ridiculous mi body a behave. Mi sleep by miself fi years wid no likkle rock-a-bye or goodnight kiss, so why two night wid one man cause mi fi get restless so? Geez.
E lack a sleep cause mi fi oversleep and nuh hear mi alarm. And rush as I might, mi just cudn mek it outta road within the timeframe a when mi usually do.
By time mi reach school, a one hour pass when school officially call.
Tired from all the haste, mi enter mi first class a breathe hard like mi go run marathon and asthma attack tek mi. (Me nav asthma ino, mi just extra.) All a mi classmate eye dem curiously stare pon me like a first dem a see smaddy.
"You're late," Mr. Black pause him lesson fi seh.
Mi cudn find a good excuse fi tell him. So, mi just stand up a the front a the class a try ketch mi breath. No sah, mi outta shape!
Him shake him head. "Excuse me, class," walking over to him desk, him tek up the next test weh mi have fi do. Handing it to me, him seh, "You have until the end of class."
Test and booklet ina mi hand, mi look dung pon mi watch - thirty minutes left until next period. Shit.
Hurrying outside, mi breeze through the questions as best as mi can.
Mi neva nowhere near done when a just five minutes left. So, deciding that an answer is simply better than no answer, mi randomly shade in e rest a the questions.
Just as mi fill in e last circle, the bell ring. Mi look dung pon e paper, already disappointed ina miself. Outta fifty questions, mi only sure about half of the thirty weh mi actually spend time fi answer.
Back ina the class, mi staple the paper and put pon mi teacher desk.
"I hope you did better than last time," Mr. Black seh to mi retreating frame.
Pity dis man nuh know seh if him did disappointed ina mi bout waa 89%, then him wuda must drop dung dead when him done grade mi paper and see Cash-pot number.
Outside the classroom, Yolanda kind enough fi wait pon me. She lean pon e wall, feet crossed at ar ankle dem and a play wid ar bag strap dem before her. She a look pon everybody weh walk pass - probably a try find e next hopeless victim who will fall fi ar beguiling ways. Typical Yolanda.
When she spot me, shi smile, lean up offa the wall and start walk wid me.
Mi neva badda tek ar hand ina fimi today. Way how mi just sheg up tha test deh, mi simply nuh ina the mood fi gwan like mi happy bout nun. Worse like how mi tiredness a mek mi feel more drained than I've been lately. . .
───── ⋆⋅🌹⋅⋆ ─────
|| Thursday. . .
As mi reach outta Square, mi spot Mark. This a e first me a see him since Asia. . . yea.
Mi slowly approach him. "Y pree, Mark?"
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
