❝ THE INTRODUCTION ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Friday. . .
The ride to Mamme Bay feels longer than usual because the taxi driver a play Barry G.
No sah! Every time the show cut to tha 'Barry G, the Boogey Man!' sum deh, mi just waa tek out mi ear drums, fling it pon the grung and step up pon it.
And nun neva mek me more vex than e fact seh me neva win none a the free credit yet!
So when e car finally stop a Chezzy yaad, mi fly out faster than lightning.
Chezzy laugh from behind me. "Wa the man do you?"
Mi laugh too. "Not a thing. Mi just tired fi hear him."
I'm at Chezzy's house because Aunty Simone a cook mackerel rundung for Mama. Nuh too long ago, she call mi fi collect the food.
Me and Chezzy head down the stairs. She have her schoolbag stuffed with clothes fi spend the night. She a sleep over and help me prepare fi meet Favi mommy tomorrow.
We enter the decent-sized kitchen. E have waa window above e sink, waa wide, four burner stove and one a dem fridge deh weh can mek ice. Most a dem same electronics ya have white colored counter a enclose dem. The kitchen have waa marble top island. Above it, waa glistening chandelier.
The kitchen connect to the adjacent dining hall through e big arch wall. The dining room neva have much in deh besides waa five top round table, two fake palm tree, and waa cabinet full a Fine China weh nobody nuh allowed fi touch unless a fi clean dem.
Chezzy siddung pon one a e stool dem round e island. Me stand up beside it.
"Them two green plastic dish deh a fi yu," Aunty Simone use e spoon shi a use fi share food fi point towards dem.
"Thanks, Aunty."
Aunty Simone nod her head and turn round back to wa she a do.
Instantly, mi eye dem draw to ar big batty. The ends of her jumbo waist-length braids brush against ar bumpa everytime her curvy body easily flow around the kitchen. My Aunty set damn good and e world need fi know it.
She share out some food fi the twin dem. Them run come round the table as soon as Aunty Simone call dem name.
After a few minutes of idle chat, a time fi mi leave.
Aunty Simone start walk go over to the table. "Walk good, Chichi. Mek mi know when yu reach up," she slap one a the twin dem pon him hand because him a stretch him hand ina the next one food.
"Bye, Aunty. Thanks fi the food."
Mi wave to Chezzy bredda dem and gi dem waa big smile when dem smile back.
Soon after, we a walk and watch wi foot pon e rocky road.
Ina no time, wi reach dis corner shop ina Hollywood weh me and Chezzy call 'Halfway' because it feel like equal distance between our houses. Halfway's a board shop weh look like it a hang on fi dear life to e nail dem weh patch it up.
Despite how it look mash dung and shabby, a waa popular spot. Right now, people either a lean pon e wall a have a drink or a play a game a domino weh dem a tek entirely too serious.
When me reach my yaad, a eight o'clock and e cricket and adda likkle insect dem come out a noise up e place like a concert dem a keep.
Mi gi Mama ar food soon as me see her. While she eat, Chezzy raid mi likkle closet.
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
