ကသစ်ပန်းက ဧကရာဇ်မောင်အားကြည့်ကာ အပြုံးလေးဖြင့် ဆိုလိုက်သည် ။
" သူဌေးရဲ့ပရော့ဂျက်အောင်မြင်မှုအတွက် ဂုဏ်ပြုပါတယ် "
" မင်းလဲငါ့ကိုအများကြီးကူညီထားတာပဲ … ဒီညမင်းကိုဝယ်ကြွေးမယ် "
" ကျေးဇူးပါ သူဌေး "
အစည်းအဝေးပွဲပြီးသွားပြီမို့ ဧကရာဇ်နဲ့ ကသစ်ပန်း ကားနဲ့အတူထွက်လာခဲ့ကြသည် ။ သူတို့ညနေစာအတွက်ထမင်းမစားပဲ ကသစ်ပန်းကကိတ်မုန့်ဆိုင်ကိုသွားချင်တယ်ဆိုပြီး ထွက်လာခဲ့သည် ။ ဧကရာဇ်စားနေကြ ကိတ်တစ်ခုကိုမှာပြီး အတူခွဲကာ စားကြရင်း ဧကရာဇ်က ကသစ်ပန်းကို ကျေးဇူးတင်စကားပြောလိုက်သည် ။
" ဒီတစ်လျှောက်လုံး မင်းငါ့အနားမှာနေပြီး ဂရုစိုက်ပေးလို့ ငါခုလိုအလုပ်ကိုအောင်အောင်မြင်မြင်နဲ့လုပ်နိုင်တာ … အတွင်းရေးမှူးတစ်ယောက်ထက်တောင်ပိုပြီး မင်းလုပ်ပေးခဲ့တယ် … မင်းကိုတကယ်ကျေးဇူးတင်ပါတယ် "
ကသစ်ပန်းက အနည်းငယ်ရှက်ရွံ့သွားပုံဖြင့် ပြုံးလိုက်ရင်း …
" ရပါတယ်သူဌေး ပြောစရာမလိုပါဘူး … ကသစ်ကလဲ သူဌေး လိုအပ်မယ်ထင်လို့လုပ်ပေးယုံပါ … သူဌေးလိုကြိုးစားပြီး ထက်မြတ်တဲ့လူရဲ့လက်အောင်မှာ အလုပ်လုပ်ခွင့်ရတာကိုပဲ ကသစ်ဂုဏ်ယူနေပါပြီ "
ကသစ်ပန်းက အပြုံးချိုယုံမက စကားကိုလဲချိုချိုသာသာလေးနဲ့တစ်ဖက်လူသဘောကျအောင်ပြောဆိုတတ်၍ ဧကရာဇ်မောင်သဘောကျမိတာလဲမဆန်းပေ ။ ဒီတစ်ပတ်အတွင်း သူတို့အတူအလုပ်လုပ်ရင်း ပိုရင်းနီလာကြသည် ။
ဧကရာဇ်မောင်က ကုမုဒြာနဲ့လက်ထပ်ပြီးကတည်းက တစ်ခြားအိုမီဂါတွေအနားအကပ်မနိုင်လောက်အောင်ထိ ကုမုဒြာကချုပ်ချယ်ထားသည် ။ ကသစ်ပန်းက ဧကရာဇ်အတွက် ကုမုဒြာမဟုတ်တဲ့ပထမဆုံးခင်မင်ခဲ့သည့် အိုမီဂါမိတ်ဆွေလဲဖြစ်သည် ။ သူတို့ ၂ ယောက်ကရုပ်ချင်းဆင်ပေမဲ့ အကျင့်စရိုက်တွေမတူညီကြပေ ။
ရံဖန်ရံခါ ကသစ်ပန်းရဲ့ပုံရိပ်တွေကို ကုမုဒြာအဖြစ်မြင်ယောင်နေပြီး ဧကရာဇ်စိတ်ထဲမှာ ကုမုဒြာလဲကသစ်ပန်းလိုသူ့အပေါ် စစ်မှန်စွာနဲ့ကောင်းပေးရင်ဟု အတွေးဝင်လာသည် ။ ထိုအတွေးကို ဧကရာဇ်က စက္ကန့်မျှသာဝင်စေပြီး မဖြစ်နိုင်၍ ချက်ချင်းရှင်းထုတ်ပြစ်လိုက်သည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
