(Unicode)
ဒီနေ့ လပတ်အမှတ်စာရင်းတွေဝေသည်။ ကိုကိုက ပြောထားသည် အဆင့်တစ်ရရင် ရိပေါ်စားချင်တာ ဝယ်ကျွေးမည်တဲ့။ ရိပေါ်က မုန့်မဝယ်စားနိုင်လို့တော့မဟုတ်။ ကိုကိုက ဝယ်ကျွေးတာပါလားဆိုတဲ့အသိနဲ့ ကြည်နူးချင်ရုံသာ။
" ဝမ်ရိပေါ် အဆင့် ငါးဆယ့်ခြောက် ။ နောက်ဆုံးက ရေရင် အဆင့်နှစ်ဟ ဟားဟား "
အဖြေစာရွက်ဝေနေတဲ့ အတန်းခေါင်းဆောင် သူငယ်ချင်းကိုလက်ခလယ်ထောင်ပြလိုက်သည်။
ဒီအဆင့်ရတာ ရိပေါ် သူငယ်ချင်းတွေအတွက်ရော ရိပေါ်အတွက် ထူးခြားမနေပါ။
ခါတိုင်းလိုဆို ဒီအဆင့်လောက်ကို အဖက်တောင်လုပ်ဖြစ်မှာမဟုတ်ပေမယ့် ဒီတစ်ခေါက်က ရှောင်းကျန့်ပြောသလို အဆင့်တစ်မှ မဟုတ်ခဲ့ပဲ။
မအိပ်မနေကြိုးစားထားတာကြောင့် အဆင့်တွေအများကြီးတက်လာလိမ့်မယ်လို့ မှန်းထားပေမယ့် ဒုံရင်းက ဒုံရင်း။ ဘာမှ တိုးတက်မလာပေ။
ကိုကိုသိရင် စိတ်ဆိုးမည်လား ?
ဖြစ်တော့မဖြစ်နိုင်။ ရိပေါ်က အဆင့်တစ်မရနိုင်လောက်မှန်းသိလို့ မရနိုင်တာကြီးကို ရအောင်လုပ်ဆ်ိုပြီး ပြောသွားတာမျိုးသာဖြစ်လောက်မည်။
ရှောင်းကျန့်က ဝမ်ရိပေါ်ကို အကောင်းတော့ ပြောမည်မဟုတ်။
စိမ်းကားသွားတာကလည်း ရိပေါ်က ရှောင်းကျန့်ကို *ကိုကို့ကို သဘောကျတယ်* လို့ ဖွင့်ပြောလိုက်ချိန်မှစသည်။ အချိန်ကာလအားဖြင့်တော့ သိပ်မကြာသေး။ လပိုင်းလောက်ပဲရှိဦးမည်။
" ငါတို့ ဘုရင်ကြီးမှိုင်နေပါလားဟ "
" သိပ်စိတ်မကြည့်ဘူး ဟေ့ရောင်။ လာမစရင်ကောင်းမယ် "
စားပွဲခုံပေါ်ခေါင်းမှောက်ပြီး အိပ်နေတဲ့ရိပေါ်ကို မင်လျန်က ပခူံးကိုပုတ်လို့ လာစသည်။ ရိပေါ်က မကြည်မသာနဲ့ ပြန်ပြောလိုက်တာကြောင့် မင်လျန်မှာ မစရဲတော့ ။ ဒီကောင်ဒေါသထွက်ရင် ကြောက်စရာကြီး။
" ဒါဆိုလည်း ဆက်အိပ် ။ ဆရာမလာမှ နှိုးလိုက်မယ် "
ခါတိုင်းဆို ပြုံးပျော်ပြီး အမြဲစောက်ခွက်ပြောင်နေတတ်တဲ့ ဝမ်ရိပေါ်က ခုတလောမှ ငြိမ်ကျသွားသည်။ မီးခဲကို ရေနဲ့လောင်းလ်ိုက်သလို ဟုတ်ခနဲ။
YOU ARE READING
Remarrying Former Husband (Zhanyi)
FanfictionYou are so important to me. This is probably a bad time but marry me again? A/N : This story is from my imagination . This is just a fan fiction that has nothing to do with reality.Please don't take this serious. This is a mpreg story. If you don't...