(Unicode)
ပြန်ရောက်ပြီးကတည်းက တစ်ပတ်တိတိ အိမ်ထဲကမထွက်ဖြစ်။ သမီးလေးရယ် သူ့အဖိုးအဖွားရယ် ဝီလီယမ်ရယ်နဲ့သာ အိမ်ထဲမှာ အချိန်ကုန်ဖြစ်နေသည်။
စိတ်ညစ်စရာတွေတွေးမနေတော့ပဲ ပျော်ပျော်ပဲနေလိုက်၏။ ဟိုမှာနေကတည်းက နေ့ရက်တိုင်းကို ဒီလိုပဲဖြတ်သန်းလာတာကြာပါပြီ။
" ရိပေါ် ကိုယ်တို့ ရှော့ပင်းထွက်ကြမလား ။ သမီးလေးလည်းပျင်းနေမယ်ထင်တယ် ။ ဒီရောက်ကတည်းက အိမ်မှာပဲနေရတာဆိုတော့လေ "
သမီးလေးကိုဆော့ကူပေးရင်းနဲ့ ဝီလီယမ်က မေးလာတာဖြစ်သည်။ နေ့တိုင်း ရိပေါ်တို့ အိမ်ကိုလာပြီး ရိပေါ်တို့သားအဖကို အဖော်ပြုပေးနေသည်မှာ တစ်ပါးသူမြင်လျှင် အလုပ်မရှိဘူးလားဟုထင်ရလောက်သည်။
သမီးလေးလည်း ဒီရောက်ကတည်းက အပြင်လုံးဝမထွက်ရသေးတာတော့ မှန်သည်။ K နိုင်ငံမှာမွေးတဲ့ သမီးလေးအဖို့ ဒီနိုင်ငံက ခုမှပထမဆုံးရောက်ဖူးခြင်းသာ။
သမီးလေးက K နိုင်ငံစကားလည်းတတ်သလို C နိုင်ငံစကားကိုလည်း ရိပေါ်က သင်ပေးထားသည်။ K နိုင်ငံမှာနေလို့ K စကားကတော့ သူ့အလိုလိုတတ်သည်။
သူ့အဖိုးအဖွားတွေနဲ့ကတော့ စိမ်းမနေပါ။ လိုင်းပေါ်ကနေ အမြဲတမ်းအဆက်အသွယ်လုပ်သည်ဆိုတော့။
" အင်း။ သမီးကို မေးကြည့်ကြည့်လေ။ ကျွန်တော်ကတော့ အပြင်မထွက်ချင်ဘူး "
" အပြင်မထွက်ပဲ အိမ်တွင်းပဲအောင်းနေလို့မှ မရတာ ရိပေါ်ရဲ့ "
" အင်း "
ဒါနဲ့ပဲ ဝီလီယမ်ကသမီးလေးကို အပြင်ထွက်ချင်လားဟုမေးတော့ ခေါင်းငြိမ့်ပြ၏။ သမီးလေးက အနေအေးတဲ့ ကလေးထဲမှာပါသည်။ မွေးကတည်းက သိပ်မငိုတတ်တဲ့ကလေးလေးဖြစ်၏။
မွေးမွေးချင်းတုန်းက မငိုလို့ ဆရာဝန်တွေအကုန် ခေါင်းကြိမ်းသွားရတာဖြစ်သည်။ ငိုသံထွက်လာမှသာ အသက်ရှင်ကြောင်း အတည်ပြုလို့ရ၏။
သမီးလေးက ဘယ်သူနဲ့တူတူ ခြေလက်အင်္ဂါစုံဖို့ သာလျှင်အရေးကြီးသည်ဟု ရိပေါ်မှာ ရင်မောခဲ့ရ၏။
YOU ARE READING
Remarrying Former Husband (Zhanyi)
FanfictionYou are so important to me. This is probably a bad time but marry me again? A/N : This story is from my imagination . This is just a fan fiction that has nothing to do with reality.Please don't take this serious. This is a mpreg story. If you don't...