Stitch Of Bitter Sweet (Junior High Series #2)

Chapter 15

C H A P T E R 1 5
━━━━━⋇⊶⊰♡⊱⊷⋇━━━━━

Mas lalong kumunot ang noo ni Kae ng bigla na lang 30k ang nabilang niya sa inipon. Ilang beses niya iyon binilang upang maka sigurado siya ngunit gano'n pa rin ang lumalabas. 30k pa rin.

May kumalabit sakaniya kaya agad niyang tinignan ang kapatid na nasa tabi niya na pala.

"Magkano na lahat?" senyas na tanong niya.

Agad niyang binitawan ang hawak at nag senyas. "30k. Kumpleto na tayo."

Malakas itong napalakpak at puno ng pagkasabik niyang niyakap siya nito. Niyakap niya naman ito pabalik. Ilang minuto silang nanatili ng gano'ng pwesto hanggang si Kaylan na ang naghiwalay.

"Ikaw na ba 'yung mag hahatid at sundo sa'akin?" puno ng kasiyahan na senyas na tanong nito.

"Bakit? Ayaw mo bang hinahatid sundo ka ni tita? Sinasaktan ka ba niya?" kunot-noong senyas niya.

Mabilis itong umiling. "Wala namang ginagawa sa'aking masama si tita. Miss ko lang ang ate ko."

Lumambot naman ang puso niya dahil doon. Hinawakan niya ang magkabilang pisngi nito saka hinalikan ang ulo noo niyo.

Malakas siyang bumuntong hininga saka tumango. "Simula bukas ako na ang maghahatid sundo sa'yo. Pero papasok pa rin ako sa coffee shop."

Kumunot ang noo nito ngunit halatang-halatang kumikinang ang mata nito sa saya. "Bakit kailangan mo pang mag trabaho doon? Bayad na naman tayo sa utang ah?"

Hinawakan niya ang balikat nito at hinawi ang pirasong buhok na humaharang sa mata nito. "Mag tratrabaho ako roon dahil gusto ko, hindi dahil sa pera."

Puno ng fustasyon nitong tinabig ang kamay niya na nakapatong sa balikat niya. "Eh mapapagod ka lang eh! Dapat-"

Agad niyang hinawakan ang kamay nito na kumpas ng kumpas. Pinakalma niya na muna ang kapatid dahil sigurado siya na hindi sila magkakaintindihan kung hahayaan niya lang na nag transtrums ito.

Ng tuluyan niya ng mapakalma ang binata ay agad niya ng binitawan ang kamay nito at marahang hinaplos ang pisngi niya.

"Kaylan, intindihin mo na lang si ate. Saka d'ba nag promise naman ako sa'yo na ako na ang mag hahatid-sundo sa'yo. Huwag kang mag-alala, hindi na ko mag night shift kaya sabay na ulit tayo kakain ng gabihan."

Bumalik na ang pagkinang ng mata nito sa saya. Puno ng kasabikan na naman siyang niyakap ng kapatid. Muntik pa siyang mapahiga kung hindi niya lang agad naitukod ang kamay niya sa kama.

Hinaplos niya lang ang buhok nito. Naiintindihan niya naman ang nararamdaman ng kapatid dahil ilang linggo rin ang lumipas na hindi na sila nagkaka salisihan sa bahay. Ang kasabay lamang ni Kaylan tuwing kumakain sila ng gabihan ay ang tita niya.

At hindi na rin siya siguro nakikita ng kapatid niya tuwing umuuwi siya dahil tulog na siya lagi kapag nakakarating siya.

⋇⊶⊰♡⊱⊷⋇

Kae: Nabuo ko na 'yung 30k

Agad napabaliwas ng tayo si Rus ng makatanggap ng message kay Kae. Parang gumuho ang mundo niya ng nabuo ang ideya sa isip niya.

Rus: Ibig-sabihin ay hindi ka na mag tratrabaho sa coffee shop ni tito?

Ilang minuto na ang nakalipas ngunit hindi pa rin siya sineen ng dalaga kaya nag tipa siya muli ng bagong mensahe.

Rus: Magkita tayo sa labas

Agad siyang lumabas at halos tumakbo na siya upang makababa na agad. Ng makitang wala pa si Kae ay binuksan niya muli ang phone. Mas lalong kumunot ang noo nya ng makitang nag seen na ito at hindi man slang siya nag reply.